Harassment, Conduct Deficiencies of a Sexual Nature, Harassment of a Sexual Nature, and Crimes of a Sexual Nature Prevention, Reporting and Response for Cadets and Junior Canadian Rangers | Ojicree

ᒥᑯᐡᑲᒋᐦᐃᐁᐧᐃᐧᐣ, ᑲᐊᓂᒧᒋᑲᑌᑭᐣ ᐊᐦᐃᐣ ᐱᔑᑲᐧᒋᑐᑕᐁᐧᐃᐧᓇᐣ, ᒥᑯᐡᑲᒋᐦᐃᐁᐧᐃᐧᐣ ᐅᐁᐧ ᐱᔑᑲᐧᒋᑐᑕᐁᐧᐃᐧᐣ ᐅᒋ, ᒥᓇ ᒪᒪᓂᐃᐧ ᐃᔑᒋᑫᐃᐧᓇᐣ ᑭᐱᑎᓂᑫᐃᐧᐣ, ᑲᐃᐧᒋᐦᐃᔭᑲᓄᐊᐧᐨ ᒥᓇ ᑲᑲᓄᒋᑫᑕᒪᐊᐧᑲᓄᐊᐧᐨ ᐅᑫᐧᓂᐊᐧᐠ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ.

ᑲᐃᐧᒋᑲᑌᑭᐣ :

ᑲᑭᑌᐣᑕᑲᐧᑭᐣ ᐃᐧᑕᒪᑫᐃᐧᓇᐣ 089/24. ᐁᑲᐧ ᒣᑲᐧᐨ ᓄᑎᓂᑫᐃᐧ ᐱᒧᒋᑫᐃᐧᐣ (CAF) ᐅᑐᓇᔓᐁᐧᐃᐧᓇᐣ ᐅᐁᐧ ᐃᑭᑐᐃᐧᐣ ᑲᔭᐸᒋᑐᐨ “ᐱᔑᑲᐧᒋᐤ ᒪᒋᑐᑕᐁᐧᐃᐧᐣ” ᑕᐊᐧᐁᐧᑕᐦᐃᓂᑲᑌ ᒥᐡᑯᐨ ᐁᑲ ᐅᐁᐧ ᐃᑭᑐᐃᐧᐣ ᒋᔭᐸᑕᐠ. ᐁᑲᐧ ᓄᑎᓂᑫᐃᐧᐣ ᐱᒧᒋᑫᐃᐧᐣ (CAF) ᐊᐦᐃ ᒥᐡᑯᐨ ᐅᑲᔭᐸᒋᑐᓇᐣ ᑲᐊᓂᒧᒋᑲᑌᑭᐣ ᐱᔑᑲᐧᒋᑐᑕᐁᐧᐃᐧᓇᐣ; ᒥᐡᑯᐡᑲᒋᐦᐃᐁᐧᐃᐧᐣ ᐱᔑᑲᐧᒋᒋᑫᐃᐧᐣ; ᒪᒪᓂᐃᐧᐣ ᐃᔑᒋᑫᐃᐧᓇᐣ.

ᐁᑲᐧ ᐅᒪ ᐱᐊᐧᐱᑯᐠ ᑲᒪᓯᓇᐦᐃᑲᑌᐠ ᑕᐊᐧᐁᐧᑕᐦᐃᓂᑲᑌ ᒋᓇᑲᐧᐠ ᐊᐱᐣ ᓄᑎᓂᑫᐃᐧ ᐱᒧᒋᑫᐃᐧᐣ (CAF) ᑭᔑᐅᓇᓯᓇᐦᐊᑭᐣ ᐅᑫᐧᓂᐊᐧᐣ ᐅᓇᔓᐁᐧᐃᐧ ᐊᑕᒋᑫᐃᐧᓇᐣ.

ᐁᑲᐧ ᑭᐡᐱᐣ ᐅᐁᐧ ᔐᒪᐠ, ᑭᐦᒋᐃᔑᓭᐃᐧᐣ ᐃᐧᒋᐦᐃᐁᐧᐃᐧᐣ ᓇᑕᐁᐧᐣᑕᒪᐣ ᓇᐣᑕ ᐁᑯᑕᒋᔭᐣ, ᐊᐦᐃᐠ ᓀᐃᐧᐨ ᐃᔑᑭᑐᐣ 9-1-1.

ᓇᐣᑕ ᑲᓄᐡ ᑲᑌᐸᑫᓂᒪᐨ ᑭᑐᑌᑦ, ᑭᐊᐧᑯᒪᑲᐣ, ᑭᐃᐧᑕᓄᑭᒪᑲᐣ ᓇᐣᑕ ᒪᒥᑎᓀᐣᒋᑲᐣ ᐃᓇᐱᓀᐃᐧᐣ ᐅᐃᐧᒋᐦᐃᐁᐧ. ᐁᑲᐧ ᓂᑲᑌᓂᑎᓯᐣ ᐅᒪ ᐃᔑᓭᐃᐧᓂᐠ ᐁᑲᐧ ᓇᓇᑕᐁᐧᐣᑕᐣ ᒪᐡᑭᑭᐃᐧ ᐸᒥᐦᐃᐁᐧᐃᐧᐣ. ᐁᑲᐧ ᒪᐊᐧᐨ ᑭᒥᓄᔭᐃᐧᐣ ᓂᑲᓀᐣᑕᑲᐧᐣ.

ᐁᑲᐧ ᑭᐡᐱᐣ ᐊᓂᒥᐃᐧᑐᔭᐣ ᐁᑲᐧ ᓇᑕᐁᐧᐣᑕᒪᐣ ᐃᐧᒋᐦᐃᐁᐧᐃᐧᐣ, ᑫᒋᓇᐨ ᑲᑌᐸᑫᓂᒪᐨ ᐊᐃᐧᔭ ᑲᓄᐡ ᒋᐃᐧᒋᐦᐃᐠ. ᐁᑲᐧ ᐅᐊᐧᐁᐧ ᑲᐃᓇᑲᓄᐨ ᑭᐃᐧᑕᓄᑭᒪᑲᐣ, ᑭᑐᑌᑦ, ᑭᑎᐯᐣᒋᑫᐃᐧ ᐊᐧᑯᒪᑲᐣ ᓇᐣᑕ ᒥᓇ ᑯᑕᐠ ᐊᐃᐧᔭ ᒋᐃᐧᒋᐦᐃᐠ.

ᑯᑕᐠ ᐃᐧᒋᐦᐃᐁᐧᐃᐧᐣ

• ᑲᓀᐣᑎᔭᐣ ᐱᒧᒋᑫᐃᐧᐣ ᐱᔑᑲᐧᒋᑐᑕᐁᐧᐃᐧ ᒥᑲᓱᐃᐧᐣ ᐱᒧᒋᑫᐃᐧᑲᒥᑯᐣ

ᐁᑲᐧ ᑲᑌᐟᐢ ᒥᓇ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ ᐱᒧᒋᑫᐃᐧᐣ (CJCR Gp) ᐁᑲᐧ ᑲᓀᐣᑎᔭᐣ ᓄᑎᓂᑫᐃᐧ (CA) ᐊᓄᑭᓇᑲᓇᐠ ᑲᐃᐧᒋᑐᐊᐧᐨ ᐅᐁᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (JCR) ᐱᒧᒋᑫᐃᐧᐣ ᐸᐸᒥᓯᐊᐧᐠ ᑫᒋᓇᐨ ᑲᐧᔭᐠ ᐊᔭᑲᐧᒥᓯᐃᐧᐣ ᒋᑕᑲᐧᓂᓂᐠ, ᒥᓇ ᑲᐧᔭᐠ ᒋᐃᔑᓇᑲᐧᓂᓂᐠ, ᐁᑲᐧ ᒥᓇ ᑲᐧᔭᐠ ᒋᐃᐧᒋᒋᑲᑌᐠ ᐅᐁᐧ ᑲᐱᒧᒋᑲᑌᐠ ᐱᒧᒋᑫᐃᐧᐣ. ᐁᑲᐧ ᑲᐃᒋᑲᑌᐠ ᑕᐱᐡᑯᐨ ᐅᐡᑲᑎᓴᐠ ᒥᓇ ᐊᐃᐧᔭᐠ ᐁᑲ ᒋᓇᑭᐡᑲᒧᐊᐧᐨ ᑲᑭᓇ ᒪᒋᓭᐃᐧᓇᐣ ᑐᑲᐣ ᒪᒉᓂᒧᐁᐧᐃᐧᐣ, ᑲᑲᐧᑕᑭᐦᐃᐁᐧᐃᐧᐣ, ᒪᒋᑐᑕᐁᐧᐃᐧᐣ ᓇᐣᑕ ᑲᐱᑯᓂᑲᑌᐠ ᐱᒪᑎᓱᐃᐧᐣ. ᐁᑲᐧ ᐅᐁᐧ ᒥᓇ ᑲᐃᒋᑲᑌᐠ ᑫᒋᓇᐨ ᑲᑌᐟᐢ ᒥᓇ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (JCR), ᐁᑲᐧ ᐊᐃᐧᔭᐣ ᑲᑲᓇᐁᐧᓂᒥᑯᐊᐧᐨ ᐁᐸᐸᒥᓯᓂᐨ ᑫᒋᓇᐨ ᑲᐧᔭᐠ ᒋᐃᔑᑲᓇᐊᐧᐸᒪᑲᓄᐊᐧᐨ, ᒥᓇ ᒋᑭᑌᓂᒪᑲᓄᐊᐧᐨ ᐁᑲᐧ ᒥᓇ ᐁᑲ ᒋᒥᑯᐡᑲᒋᐦᐃᔭᑲᓄᐊᐧᐨ ᐁᑲᐧ ᒥᓇ ᐁᐸᑯᓭᐣᒋᑲᑌᐠ ᑫᒋᓇᐨ ᑕᐱᑕ ᐃᔑᑲᓇᐊᐧᐸᒥᑐᐃᐧᐣ ᒋᑕᑲᐧᐠ.

ᐁᑲᐧ ᑭᐱᑎᓂᑫᐃᐧᐣ, ᑲᐃᐧᒋᐦᐃᔭᑲᓄᐊᐧᐨ ᒥᓇ ᑲᑲᓄᒋᑫᑕᒪᐊᐧᑲᓄᐊᐧᐨ ᐅᑫᐧᓂᐊᐧᐠ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐢ ᕑᐁᐣᒉᕑᐢ

ᑲᑭᓇ ᐊᐃᐧᔭᐠ ᒪᔭᑦ ᑲᐊᓄᑲᐊᐧᐊᐧᐨ ᐅᑫᐧᓂᐊᐧᐣ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (JCR) ᐸᑯᓭᐣᑕᑯᓯᐊᐧᐠ ᐱᓇᒪ ᑲᐧᔭᐠ ᒋᓇᓇᑲᒋᐦᐃᔭᑲᓄᐊᐧᐨ. ᐁᑲᐧ ᐅᐁᐧ ᒪᔭᑦ ᑲᐃᒋᑲᑌᐠ ᐅᐁᐧ ᔑᒪᑲᓂᔑᐃᐧ ᓇᓇᑲᒋᒋᑫᐃᐧᐣ ᒋᐊᐸᒋᒋᑲᑌᐠ ᒥᓇ ᒥᓯᐁᐧ ᓇᓇᑲᒋᒋᑫᐃᐧᐣ ᒋᔭᐸᑕᐠ ᑲᒪᐧᔦ ᒪᑕᓄᑭᐊᐧᐨ ᐅᒪ ᐱᒧᒋᑫᐃᐧᓂᐠ ᐁᑲᐧ ᐊᐱᐣ ᓇᓂᔭᓄᔭᐦᑭ (5) ᒋᓇᓇᐱ ᓇᓇᑲᒋᐦᐃᔭᑲᓄᐊᐧᐨ.

ᐁᑲᐧ ᒥᓇ, ᑲᑭᓇ ᐅᐡᑲᑎᓴᐠ ᐁᑲᐧ ᐊᐃᐧᔭᐠ ᑲᐃᐧᒋᑐᐊᐧᐨ ᑲᑌᐟ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (JCR) ᐱᒧᒋᑫᐃᐧᐣ ᐸᑯᓭᐣᑕᑯᓯᐊᐧᐠ ᑲᐧᔭᐠ ᒋᐱᒥᓂᔕᐦᐊᒧᐊᐧᐨ ᐅᓇᒋᑫᐃᐧᓇᐣ ᒥᓇ ᑭᑭᓄᔑᓄᐃᐧᓇᐣ ᑲᑭᐅᓇᑌᑭᐣ ᐅᒪ ᐱᒧᒋᑫᐃᐧᓂᐠ (CJCR Gp) ᒥᓇ ᑲᓀᐣᑎᔭᐣ ᓄᑎᓂᑫᐃᐧ ᐱᒧᒋᑫᐃᐧᓇᐣ (CAF) ᑲᐃᔑᐸᑯᓭᐣᑕᑲᐧᑭᐣ ᐁᑲᐧ ᐅᓇᑯᓂᑫᐃᐧᓇᐣ ᑲᐃᓇᑌᑭᐣ ᐅᒪ ᑲᓇᑕ.

ᐁᑲᐧ ᑕᓯᔭᐦᑭ ᑲᑭᓇ ᑲᑌᐟ ᒥᓇ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (JCR) ᐱᒧᒋᑫᐃᐧᐣ ᑲᐃᐧᒋᑐᐊᐧᐨ ᐁᑲᐧ ᐊᐃᐧᔭᐠ ᑲᑭᐦᑭᓄᐦᐊᒪᑫᐊᐧᐨ ᐱᓇᒪ ᒋᓇᓇᑲᒋᑐᐊᐧᐨ, ᒋᐊᓂᒧᑕᒧᐊᐧᐨ, ᐁᑲᐧ ᒋᒪᓯᓇᐦᐊᒧᐊᐧᐨ ᑲᐸᑯᓭᐣᑕᑲᐧᑭᐣ ᐃᔑᔭᐃᐧᓇᐣ ᐁᑲᐧ ᒥᓇ ᐁᑲ ᑫᑯᓇᐣ ᑲᐸᑯᓭᐣᑕᑲᐧᓂᓂᑭᐣ. ᐁᑲᐧ ᐅᑫᐧᓂᐊᐧᐣ ᐃᔑᔭᐃᐧᓇᐣ ᒪᓯᓇᐦᐃᑲᑌᐊᐧᐣ ᑕᐱᐡᑯᐨ ᐅᑫᐧᓂᐊᐧᐣ ᓂᔑᐣ ᐅᓇᒋᑫᐃᐧᓇᐣ ᑫᑐᒋᑲᑌᑭᐣ:

• ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (CJCR Gp) ᐸᑯᓭᐣᒋᑫᐃᐧᐣ 5019-6: 5019-6 ᐅᓇᒋᑫᐃᐧᓇᐣ ᑫᑐᒋᑲᑌᑭᐣ - Canada.ca ᐁᑲᐧ
• ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (CJCR Gp) ᐸᑯᓭᐣᒋᑫᐃᐧᐣ 10032 ᐅᓇᒋᑫᐃᐧᓇᐣ ᑫᑐᒋᑲᑌᑭᐣ: 10032 (JCR) ᐅᓇᒋᑫᐃᐧᓇᐣ ᑫᑐᒋᑲᑌᑭᐣ - Canada.ca.

ᐁᑲᐧ ᐊᐊᐧᔑᒣ ᐃᐧᑭᑫᐣᑕᒪᐣ ᐊᐦᐃᐠ ᐱᐊᐧᐱᑯᐠ ᐃᓇᐱᐠ ᐅᒪ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ ᐁᑲᐧ ᑲᔦ  ᓂᑲᓂᑕᒪᑫᐃᐧᓂᐠ ᐅᑫᐧᓂᐊᐧᐣ ᑲᐃᓇᑌᑭᐣ ᐱᒧᒋᑫᐃᐧᓇᐣ.

ᐁᑲᐧ ᐊᐣᑎ ᑫᐃᔑᓇᐢᑲᒪᐣ ᐃᐧᒋᐦᐃᐁᐧᐃᐧᐣ ᑭᐡᐱᐣ ᓂᐣ ᓇᐣᑕ ᐸᑲᐣ ᐊᐃᐧᔭ ᒪᒋᑐᑕᑯᔭᐠ ᐅᐁᐧ ᒥᑯᐡᑲᒋᐦᐃᐁᐧᐃᐧᐣ ᓇᐣᑕ ᑲᑲᐧᑕᑭᐦᐃᐁᐧᐃᐧᐣ. 

ᐁᑲᐧ ᑭᐡᐱᐣ ᐅᐁᐧ ᐁᐊᐧᐸᑕᒪᐣ ᐃᔑᒋᑫᐃᐧᐣ, ᓇᐣᑕ ᐁᑭᐃᐧᑕᒪᑯᔭᐣ, ᓇᐣᑕ ᐁᐃᐧᒋᐦᐃᐁᐧᔭᐣ ᒥᑯᐡᑲᒋᐦᐃᐁᐧᐃᐧᓂᐠ ᒥᓇ ᑲᑲᐧᑕᑭᐦᐃᐁᐧᐃᐧᓂᐠ, ᑭᐸᑯᓭᓂᒥᑯ ᓀᐃᐧᐨ ᒋᐃᐧᑕᒪᐣ ᐅᐁᐧ ᐃᔑᒋᑫᐃᐧᐣ ᐁᑲᐧ ᒋᐃᐧᑕᒪᐊᐧᐨ ᐊᐃᐧᔭ ᐱᒧᒋᑫᐃᐧᐣ ᑲᓂᑲᓂᐡᑲᐨ ᒥᐡᑯᐨ ᒋᐃᐧᒋᐦᐃᐠ.

ᐁᑲᐧ ᑲᑭᓇ ᑲᑌᐟ ᐅᑭᐦᑭᓄᐦᐊᒪᑫᐠ ᐱᒧᒋᑫᐃᐧᐣ (CIC), ᒥᓇ ᐊᓄᑭᓇᑲᓇᐠ (CA), ᐁᑲᐧ ᑯᑕᑭᔭᐠ ᐊᓄᑭᓇᑲᓇᐠ ᑲᐃᐧᒋᑐᐊᐧᐨ ᑲᑌᐟ ᒥᓇ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (JCR) ᐱᒧᒋᑫᐃᐧᓇᐣ ᑭᐦᑭᓄᐦᐊᒪᐊᐧᑲᓄᐊᐧᐠ ᒋᑎᐸᒋᒧᐊᐧᐨ ᒥᓇ ᒋᑲᓄᒋᑫᑕᒪᑫᐊᐧᐨ ᑲᐃᓇᑌᑭᐣ ᐸᑯᓭᐣᒋᑫᐃᐧᓇᐣ. ᐁᑲᐧ ᒥᓇ ᑭᐦᑭᓄᐦᐊᒪᐊᐧᑲᓄᐊᐧᐠ ᒋᐃᐧᒋᐦᐃᑲᐧ ᓇᐣᑕ ᑯᑕᐠ ᐊᐃᐧᔭ ᑭᐡᐱᐣ ᑲᐊᓂᒥᐦᐃᑯᔦᐠ ᒥᑯᐡᑲᒋᐦᐃᐁᐧᐃᐧᐣ, ᒪᒋᑐᑕᐁᐧᐃᐧᐣ, ᒥᓇ ᐱᑯ ᒪᒪᓂᐃᐧ ᐱᔑᑲᐧᒋᑐᑕᐁᐧᐃᐧᐣ.

ᐁᑲᐧ ᓇᐣᑕ ᑲᔦ ᒋᓇᓇᑕᐊᐧᐸᑕᒪᐣ ᐃᐧᒋᐦᐃᐁᐧᐃᐧᐣ ᐅᑫᐧᓂᐊᐧᐠ ᒋᑲᓄᓇᑕᐧ ᑲᒪᓯᓇᐦᐃᑲᓯᐊᐧᐨ ᐅᐃᐧᒋᐦᐃᐁᐧᐠ “ᑯᑕᑭᔭᐣ ᐃᐧᒋᐦᐃᐁᐧᐃᐧᓇᐣ” ᑲᒪᓯᓇᐦᐃᑲᑌᑭᐣ ᑭᔑᐱᔭᐦᐃᐠ ᒪᓯᓇᐦᐃᑲᓂᐠ.

ᐁᑲᐧ ᑲᑌᐟ ᐱᒧᒋᑫᐃᐧᐣ ᒥᓇ ᑭᐦᑭᓄᐦᐊᒪᑫᐃᐧᐣ ᐅᓇᒋᑫᐃᐧᓇᐣ (CATOs) 13-24, ᒥᑯᐡᑲᒋᐦᐃᐁᐧᐃᐧᐣ ᑭᐱᑎᓂᑫᐃᐧᐣ ᒥᓇ ᓴᑲᑭᓂᑫᐃᐧᐣ ᐯᐸᐣ ᐊᐸᑕᐣ ᐅᒪ ᐱᒧᒋᑫᐃᐧᓂᐠ (CJCR Gp) ᐅᓇᔓᐁᐧᐃᐧᐣ ᑲᐃᐧᒋᑫᒪᑲᐠ ᐊᓂᐣ ᑫᑐᒋᑲᑌᐠ ᑲᑎᐸᒋᒧᓇᓂᐊᐧᐠ ᒥᓇ ᑲᑲᓄᒋᑫᑕᒪᑲᓂᐊᐧᐠ ᒥᑯᐡᑲᒋᐦᐃᐁᐧᐃᐧᐣ, ᐱᔑᑲᐧᒋᑐᑕᐁᐧᐃᐧᐣ ᒥᓇ ᒪᒪᓂᐃᐧ ᐱᔑᑲᐧᒋᒋᑫᐃᐧᐣ ᐅᒋ. ᐁᑲᐧ ᐅᐁᐧ ᒣᑲᐧᐨ, ᐱᒧᒋᑫᐃᐧᐣ (DND) ᐅᒪᒥᓇᐧᓯᓇᐦᐊᐣ ᐅᓇᔓᐁᐧᐃᐧᐣ ᒥᐡᑯᐨ ᑲᐧᔭᐠ ᒋᐃᓇᑌᐠ ᒣᑲᐧᐨ ᑲᐃᔑᐸᑯᓭᐣᑕᑲᐧᑭᐣ ᑫᑯᓇᐣ ᒥᓇ ᒋᓂᓯᑕᐃᐧᓂᑲᑌᑭᐣ ᐃᐧᒋᐦᐃᐁᐧᐃᐧᓇᐣ ᐊᐱᐣ ᑲᒪᑕᓄᑲᑌᑭᐣ ᒥᑯᐡᑲᒋᐦᐃᐁᐧᐃᐧᓇᐣ ᒥᓇ ᑲᑲᐧᑕᑭᐦᐃᐁᐧᐃᐧᓇᐣ.

ᐁᑲᐧ ᑲᑎᐸᒋᒋᑲᑌᐠ ᒥᓇ ᑲᑲᓄᒋᑫᑕᒪᑲᓂᐊᐧᐠ ᐅᐁᐧ ᒥᑯᐡᑲᒋᐦᐃᐁᐧᐃᐧᐣ, ᑲᑲᐧᑕᑭᐦᐃᐁᐧᐃᐧᐣ, ᐱᔑᑲᐧᒋᒋᑫᐃᐧ ᑐᒋᑫᐃᐧᓇᐣ, ᐱᔑᑲᐧᒋᑐᑕᐁᐧᐃᐧᓇᐣ ᓇᐣᑕ ᒪᒪᓂᐃᐧ ᐱᔑᑲᐧᒋᑐᑕᐁᐧᐃᐧᓇᐣ ᐅᒋ:

ᐁᑲᐧ ᐊᐱᐣ ᐁᑭᑫᐣᑕᒧᐊᐧᐨ ᐅᐁᐧ ᑲᑲᐧᑕᑭᐦᐃᐁᐧᐃᐧᐣ ᒥᓇ ᒥᑯᐡᑲᒋᐦᐃᐁᐃᐧᐣ ᑐᒋᑫᐃᐧᓇᐣ ᐅᒋ, ᐊᐃᐧᔭᐠ ᑲᐃᐧᒋᑐᐊᐧᐨ ᑲᑌᐟᐢ ᒥᓇ ᒍᓂᔦᕑ ᕑᐁᐣᒉᕑᐢ (JCR) ᐱᒧᒋᑫᐃᐧᓇᐣ ᐸᐸᒥᓯᐊᐧᐠ ᑫᒋᓇᐨ ᒋᐃᐧᑕᒧᐊᐧᐨ ᐅᑫᐧᓂᐊᐧᐣ ᐃᔑᓭᐃᐧᓇᐣ.

ᐁᑲᐧ ᑫᒋᓇᐨ ᐊᐃᐧᔭᐠ ᐸᑯᓭᐣᑕᑯᓯᐊᐧᐠ ᐅᑫᐧᓂᐊᐧᐣ ᐅᓇᒋᑫᐃᐧᓇᐣ ᒋᐊᐸᒋᑐᐊᐧᐨ:

• ᐁᑲᐧ ᑫᒋᓇᐨ ᒋᐊᔭᑲᐧᒥᓭᔭᐣ ᒥᓇ ᑯᑕᐠ ᐊᐃᐧᔭ ᑲᑭᒪᒋᓭᐨ ᑫᒋᓇᐨ ᑫᐃᐧᐣ ᒋᐊᔭᑲᐧᒥᓭᐨ.
• ᐁᑲᐧ ᒥᓇ ᒋᒪᓯᓇᐦᐊᒪᓂᐣ ᑫᑯᓇᐣ ᑐᑲᐣ ᑲᐃᑭᑐᔭᐣ ᒥᓇ ᑲᑭᐃᔑᐊᐧᐸᑕᒪᐣ.
• ᐁᑲᐧ ᒥᓇ ᒋᑎᐸᒋᒧᔭᐣ ᑫᑯᐣ ᑲᐃᔑᑭᑫᐣᒋᑲᑌᐠ ᑐᑲᐣ ᒪᒪᓂᐃᐧ ᐃᔑᒋᑫᐃᐧᐣ ᐅᒋ ᐁᑲᐧ ᒋᐃᐧᑕᒪᐊᐧᑕᐧ ᐅᑫᐧᓂᐊᐧᐠ ᒪᔭᑦ ᐃᔑᓭᐃᐧᓇᐣ ᑲᓇᓇᑲᒋᑐᐊᐧᐨ.
• ᐁᑲᐧ ᐊᐱᐣ ᐅᐁᐧ ᐃᔑᓭᐃᐧᐣ ᐃᐡᑲᐧ ᐃᐧᑕᒪᐊᐧᑲᓄᐊᐧᐨ ᐅᑫᐧᓂᐊᐧᐠ ᒪᔭᑦ ᑲᓇᓇᑲᒋᒋᑫᐊᐧᐨ, ᑫᒋᓇᐨ ᑲᔦ ᐱᓇᒪ ᑭᑐᑭᒪᒪᐠ ᒋᑭᑫᐣᑕᒧᐊᐧᐨ. ᐁᑲᐧ ᐅᐊᐧᐁᐧ ᑭᑐᑭᒪᑦ ᑫᐃᐧᐣ ᐱᓇᒪ ᑲᐧᔭᐠ ᐅᐁᐧ ᐅᑲᐃᔑᑲᓇᐊᐧᐸᑕᐣ, ᒥᓇ ᒋᔭᐸᒋᑐᒋᐣ ᐅᓇᑯᓂᑫᐃᐧᓇᐣ ᐁᑲᐧ ᐅᓇᔓᐁᐧᐃᐧᐣ. ᐁᑲᐧ ᐅᑫᐧᓂᐊᐧᐠ ᓇᓇᑲ ᑲᐃᓇᑭᓯᐊᐧᐨ ᐅᓄᑎᓂᑫᐠ ᑫᐃᐧᓇᐊᐧ ᐃᔑᓭᓂᐸᐣ ᒋᐱᒥᓂᔕᐦᐊᒧᐊᐧᐨ ᐅᐁᐧ ᑲᐃᓇᑌᐠ ᐃᔑᓭᐃᐧᐣ ᐱᒧᒋᑫᐃᐧᐣ ᐅᓇᔓᐁᐧᐃᐧᐣ, ᑲᐸᑯᓭᐣᑕᑲᐧᐠ.
• ᐁᑲᐧ ᐃᐡᑲᐧ ᐃᐧᒋᑲᑌᐠ, ᐅᐊᐧᐁᐧ ᑭᐦᒋᓄᑎᓂᑫᐃᐧ ᐊᓄᑭᓇᑲᐣ ᓇᐣᑕ ᐊᓄᑭᓇᑲᐣ ᑲᓂᑲᓂᐡᑲᐠ ᑕᐸᑯᓭᐣᑕᑯᓯᐊᐧᐠ ᒋᐃᐧᑕᒪᐊᐧᐊᐧᐨ ᐅᓂᑭᐦᐃᑯᒪᐣ ᒥᓇ ᐅᑲᓇᐁᐧᓂᒪᐊᐧᓱᐣ. ᐁᑲᐧ ᐅᐊᐧᐁᐧ ᐊᓄᑭᓇᑲᐣ ᐊᐦᐃ ᑲᐅᒋᐸᑯᓭᐣᑕᑯᓯᐨ ᒋᐃᐧᑕᒪᑫᐨ ᐅᓴᑦ ᐁᑲ ᑲᑌᐱᑕᓴᑭᐃᐧᓇᓂᐊᐧᐠ ᐅᒪ ᐱᕑᐊᐧᐱᐣᐢ ᓇᐣᑕ ᑌᕑᐃᑕᐧᕑᐃ ᑲᐃᔑᑲᐯᔑᔭᐣ ᐁᑲ ᐅᑕ ᒪᔑᐃᐧᐣ ᐊᐸᒋᒋᑲᑌᐠ ᐅᐁᐧ ᑭᐦᒋᐅᓇᔓᐁᐧᐃᐧᐣ.

ᐁᑲᐧ ᑲᐧᓂᐣ ᓂᐱᒧᒋᑫᐃᐧᑲᒥᑯᓇᐣ ᐅᑲᑭᓇᓇᑲᒋᑐᓯᓇᐣ ᐅᑫᐧᓂᐊᐧᐣ ᒪᒪᓂᐃᐧ ᒪᒋᑐᑕᐁᐧᐃᐧᓇᐣ, ᔕᑯᐨ ᐃᔑᓭ ᒋᐸᑭᑎᓇᒪᑭᐣ ᐃᐧᒋᐦᐃᐁᐧᐃᐧᓇᐣ ᐊᐣᑎ ᑲᐃᔑᑕᑲᐧᑭᐣ ᐃᐧᒋᐦᐃᐁᐧᐃᐧᓇᐣ ᑲᓇᑕᐁᐧᐣᑕᒣᐠ. ᐁᑲᐧ ᒥᓇ ᑲᑭᐃᐧᒋᐦᐃᑯᓇᐊᐧ ᑭᐡᐱᐣ ᐁᑲ ᑲᐧᔭᐠ ᐃᔑᑲᓇᐊᐧᐸᒥᑯᔭᐣ ᒣᑲᐧᐨ ᑲᑲᑫᐧᐅᑎᓇᒪᓂᐣ ᐱᒧᒋᑫᐃᐧ (DND/CAF) ᐃᐧᒋᐦᐃᐁᐧᐃᐧᓇᐣ. ᐃᔑᑭᑐᐣ ᐱᒧᒋᑫᐃᐧ (DND/CAF) ᑭᐦᒋᐊᓄᑭᓇᑲᐣ ᐅᒪᓯᓇᐦᐃᑫᐃᐧᑲᒥᑯᐠ. ᐁᑲᐧ ᐅᒪ ᓂᑕᔭᒥᐣ ᒋᐃᐧᒋᐦᐃᑯᔦᐠ!

ᑲᑭᐦᑭᓄᐦᐊᒪᐊᐧᑲᓄᐊᐧᐨ ᐅᑫᐧᓂᐊᐧᐠ ᑲᑌᐟᐢ 

ᐁᑲᐧ ᑲᐱᒧᒋᑲᑌᐠ ᒥᓄᔭᐃᐧᐣ ᒥᓇ ᐊᔭᑲᐧᒥᓯᐃᐧ ᐱᒪᑎᓱᐃᐧᐣ (PHASE) ᐱᒧᒋᑫᐃᐧᐣ ᐁᐦᐊᐠ ᑲᑭᐅᓇᑐᐊᐧᐸᐣ ᑲᓀᐣᑎᔭᐣ ᒥᐢᑯ ᐊᔑᑌᔭᑎᐠ ᐱᒧᒋᑫᐃᐧᐣ ᒋᐃᐧᒋᐦᐃᑯᔭᐣ ᐅᒪ ᑭᑎᓇᒪᒋᐦᐅᐃᐧᓂᐠ, ᑭᐱᒪᑎᓱᐃᐧᓂᐠ ᐁᑲᐧ ᑭᒥᓄᔭᐃᐧᓂᐠ ᐃᐧᒋᐦᐃᐁᐧᐃᐧᓇᐣ ᒥᐡᑯᐨ ᐅᑫᐧᓂᐊᐧᐣ ᒋᑕᑲᐧᑭᐣ ᑫᔭᐸᒋᑐᔭᐣ ᒥᓇ ᑭᑐᑌᒪᐠ ᑲᑲᐯᔑᐊᐧᐨ ᑭᑕᔑᑫᐃᐧᓂᐠ. ᐁᑲᐧ ᒥᓇ ᐅᐁᐧ ᐱᒧᒋᑫᐃᐧᐣ ᑲᑭᑭᓄᔑᓄᐦᐃᑯᐣ ᐊᓂᐣ ᑫᑐᑕᒪᐣ ᑲᐧᔭᐠ ᒋᐃᐧᑕᓄᑭᒥᑯᔭᐣ, ᒥᓇ ᑫᐃᔑᐃᐧᒋᐦᐃᑯᔭᐣ, ᐁᑲᐧ ᐊᐣᑎ ᒥᓇ ᑫᐅᑎᓇᒪᐣ ᐃᐧᒋᐦᐃᐁᐧᐃᐧᐣ.

ᐁᑲᐧ ᐅᐁᐧ ᐅᓇᒋᑫᐃᐧᐣ ᐃᐧᒋᐦᐃᐁᐧᐃᐧᐣ (PHASE) ᒪᒥᑎᓀᐣᒋᑲᓂᐠ ᐅᒋᐊᓄᑭᑲᒋᑲᑌ (ᑐᑲᐣ ᐃᓇᐱᐣ-ᓇᑐᑕᐣ-ᐃᐧᒋᑐᐣ-ᐱᒪᑎᓯᐃᐧᐣ) ᒥᐡᑯᐨ ᒋᐃᐧᒋᐦᐃᑯᔭᐣ ᒋᐊᓂᒧᑕᒪᐣ ᒥᓇ ᓇᓇᑲ ᒋᐃᔑᑲᓇᐊᐧᐸᑕᒪᐣ ᐊᓂᐣ ᒥᓇ ᑫᑐᑕᒪᐣ ᐅᐁᐧ ᓇᐢᑲᒪᐣ ᐃᐧᒋᐦᐃᐁᐧᐃᐧᐣ. ᐁᑲᐧ ᐅᐁᐧ ᑲᐸᑯᓭᐣᑕᑲᐧᐠ ᑭᐦᑭᓄᐦᐊᒪᑫᐃᐧᐣ ᐊᐦᐃᐠ ᐅᒋᐊᐸᑕᐣ ᑲᐃᓇᑌᐠ ᐅᒪ ᑲᓀᐣᑎᔭᐣ ᒥᐢᑯ ᐊᔑᑌᔭᑎᐠ ᒪᒥᑎᓀᐣᒋᑲᐣ ᐃᐧᒋᐦᐃᐁᐧᐃᐧᐣ ᐸᑯᓭᐣᒋᑫᐃᐧᓇᐣ ᑲᒪᓯᓇᐦᐃᑲᑌᑭᐣ. ᐁᑲᐧ ᐅᑫᐧᓂᐊᐧᐣ ᐸᑯᓭᐣᒋᑫᐃᐧᓇᐣ ᐊᐦᐃᐣ ᐃᔑᑲᓇᐊᐧᐸᒋᑫᒪᑲᓄᐣ ᒥᐡᑯᐨ ᑭᐣ ᐁᑲᐧ ᑭᑐᑌᒪᐠ ᑲᐧᔭᐠ ᒋᐃᔑᑲᓇᐊᐧᐸᒥᑎᔦᐠ ᐁᑲ ᒥᓇ ᒋᒪᒋᑲᓇᐊᐧᐸᒥᑎᔦᐠ.

ᐁᑲᐧ ᐅᐁᐧ ᐅᓇᒋᑫᐃᐧᐣ ᐃᐧᒋᐦᐃᐁᐧᐃᐧᐣ (PHASE) ᐅᑫᐧᓂᐊᐧᐣ ᑫᑯᓇᐣ ᑭᒥᓂᑯᓇᐣ:

• ᑲᐧᔭᐠ ᒋᐊᐧᐃᐧᒋᐊᐧᑕᐧ ᑯᑕᑭᔭᐠ ᐊᐧᐃᔭᐠ.
• ᒥᓇ ᒋᐊᔭᑲᐧᒥᓭᔭᐣ ᐅᒪ ᓇᓂᒋᔭᐃᐧᓂᐠ,
• ᒥᓇ ᒋᓂᓯᑕᐃᐧᓇᒪᓂᐣ ᑫᑯᓇᐣ ᐁᑲ ᑲᒥᓇᐧᔑᑭᐣ ᐁᑲ ᒥᓇ ᑲᒥᓄᓭᑭᐣ, ᐁᑲᐧ
• ᒋᓇᓇᑕᐊᐧᐸᑕᒪᓂᐣ ᐃᐧᒋᐦᐃᐁᐧᐃᐧᓇᐣ ᑲᑕᑲᐧᑭᐣ ᑭᐡᐱᐣ ᐅᑕ ᓇᑕᐁᐧᐣᑕᒪᐣ ᐃᐧᒋᐦᐃᐁᐧᐃᐧᐣ.

ᐁᑲᐧ ᐅᐁᐧ ᐅᓇᒋᑫᐃᐧᐣ ᐃᐧᒋᐦᐃᐁᐧᐃᐧᐣ (PHASE) ᐃᐧᑕᒪᑫᐃᐧᐣ ᑲᑭᐊᐦᑭᐊᐧᐠ, ᐊᐦᐃ ᑭᑐᐡᑕᒪᐢ ᐊᔭᑲᐧᒥᓯᐃᐧ ᐊᐧᐁᐧᓇᒋᑫᐃᐧᐣ ᒥᓇ ᒪᒪᐤ ᐃᐧᒋᐦᐃᐁᐧᐃᐧᐣ. ᐁᑲᐧ ᒥᓇ ᐅᐁᐧ ᐊᔭᑲᐧᒥᓯᐃᐧ ᐊᐧᐁᐧᓇᒋᑫᐃᐧᐣ ᑲᐃᐧᑕᒪᑯᐣ ᐊᓂᐣ ᑫᑐᑕᒪᐣ ᐃᐧᒋᐦᐃᐁᐧᐃᐧᐣ ᓇᑕᐁᐧᐣᑕᒪᐣ ᐁᑲᐧ ᐊᐊᐧᓀᐣ ᑫᑲᓄᓇᐨ ᐁᑲᐧ ᐊᐣᑎ ᒥᓇ ᑫᐅᑎᓇᒪᐣ ᐃᐧᒋᐦᐃᐁᐧᐃᐧᐣ.

ᑲᑭᐦᑭᓄᐦᐊᒪᐊᐧᑲᓄᐊᐧᐨ ᐅᑫᐧᓂᐊᐧᐠ ᐅᓂᑲᓂᑕᒪᑫᐠ

ᐁᑲᐧ ᑲᑭᓇ ᓇᓇᑲ ᓄᑎᓂᑫᐃᐧ ᐊᓄᑭᓇᑲᓇᐠ ᑲᐃᐧᒋᑐᐊᐧᐨ ᐅᐁᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ ᐱᒧᒋᑫᐃᐧᐣ (CJCR) ᑭᐦᑭᓄᐦᐊᒪᐊᐧᑲᓄᐊᐧᐠ ᐊᓂᐣ ᑫᑐᑕᒧᐊᐧᐨ ᑎᐸᒋᒧᐊᐧᐨ. ᐁᑲᐧ ᒥᓇ, ᐊᔕᔾ ᐅᑭᑫᐣᑕᓇᐊᐧ ᐊᓂᐣ ᑫᑐᒋᑲᑌᑭᐣ ᐊᐃᐧᔭ ᐅᒪᒋᑐᑕᑯᓇᐣ ᐅᒋ ᑐᑲᐣ ᑭᐦᒋᒪᒪᓂᐃᐧ ᐱᔑᑲᐧᒋᑐᑕᐁᐧᐃᐧᐣ, ᒥᓇ ᒥᑯᐡᑲᒋᐦᐃᐁᐧᐃᐧᐣ, ᒥᓇ ᑭᐦᒋᒪᒪᓂᐃᐧᓇᐣ ᑐᑲᐣ ᐱᔑᑲᐧᒋᑐᑕᐁᐧᐃᐧᓇᐣ, ᒥᑯᐡᑲᒋᐦᐃᐁᐧᐃᐧᓇᐣ, ᐁᑲᐧ ᑲᑲᐧᑕᑭᐦᐃᐁᐧᐃᐧᓇᐣ.

ᐁᑲᐧ ᐊᐊᐧᔑᒣ ᐃᐧᑭᑫᐣᑕᒪᐣ ᐊᐦᐃᐠ ᐃᓇᐱᐠ ᐱᐊᐧᐱᑯᐠ ᓂᑲᓂᑕᒪᑫᐃᐧᐣ ᐅᑫᐧᓂᐊᐧᐣ ᐱᒧᒋᑫᐃᐧᓇᐣ ᐅᒋ.

ᑯᑕᑭᔭᐣ ᐃᐧᒋᐦᐃᐁᐧᐃᐧᓇᐣ 

• ᐃᐧᒋᐦᐃᐁᐧᐃᐧᓇᐣᑲᒥᓇᑲᓄᐊᐧᐨᐅᑫᐧᓂᐊᐧᐠᑲᑌᐟᐢ, ᒍᓂᔦᕑᑲᓀᐣᑎᔭᐣᕑᐁᐣᒉᕑᐢ, ᐁᑲᐧᓄᑎᓂᑫᐃᐧᐊᓄᑭᓇᑲᓇᐠ: ᐅᐁᐧ ᐱᒧᒋᑫᐃᐧᐣ (CJCR) ᑲᓇᑲᐧᐠ ᐱᐊᐧᐱᑯᐠ ᑕᓇᑲᐧᓄᐣ ᐃᐧᒋᐦᐃᐁᐧᐃᐧᓇᐣ ᑲᒥᓇᑲᓄᐊᐧᐨ ᑲᑌᐟᐢ, ᒍᓂᔦᕑ ᕑᐁᐣᒉᕑᐢ ᒥᓇ ᐊᐃᐧᔭᐠ ᑲᓂᑲᓂᑕᒪᑫᐊᐧᐨ ᐃᐧᒋᐦᐃᐁᐧᐃᐧᐣ ᑲᓇᑕᐁᐧᐣᑕᒧᐊᐧᐨ.https://www.canada.ca/en/department-national-defence/services/cadets-junior-canadian-rangers/support-resources-for-cadets-junior-canadian-rangers-and-adult-staff.html
• ᐊᐊᐧᔑᔕᐠ ᐃᐧᒋᐦᐃᐁᐧᐃᐧᐣ ᒪᒋᑭᑐᐃᐧᐣ ᐊᒥᐁᐧ ᐃᓇᐸᒋᒋᑲᑌᐠ ᐅᑫᐧᓂᐊᐧᐠ ᐅᐡᑲᑎᓴᐠ ᒋᐅᒋᐃᐧᒋᐦᐃᔭᑲᓄᐊᐧᐨ 24 ᑕᓴᐊᐧᑲᓭ ᐯᔑᑯᑭᔑᑲ, ᓂᓴᐧᓱᑭᔑᑲ (7) ᐯᔑᐱᒥᑯᓇᑲ. ᓇᐣᑕ ᑲᔦ ᐅᒪ ᒋᐃᔑᑭᑐᔭᐣ 1-800-668-6868 ᓇᐣᑕ ᑲᔦ ᑭᒪᓯᓇᐦᐃᑲᐣ ᒋᐅᒋᒪᒋᓂᔕᐦᐊᒪᐣ ᑭᒪᒋᑭᑐᐃᐧᓂᐠ 686868. ᐁᑲᐧ ᐁᑲ ᐁᑭᐊᓂᒧᑕᒪᐣ ᑭᑎᔑᓭᐃᐧᐣ, ᑲᑕᒧᒋᒪᓯᓇᐦᐊᐣ ᑭᒪᒋᑭᑐᐃᐧᓂᐠ. - ᐊᐊᐧᔑᔕᐠ ᐃᐧᒋᐦᐃᐁᐧᐃᐧᐣ ᒪᒋᑭᑐᐃᐧᐣ
• ᐁᑲᐧ ᑲᓀᐣᑎᔭᐣ ᓄᑎᓂᑫᐃᐧᐣ ᐃᓇᑭᓱᐃᐧᐣ ᐃᐧᒋᐦᐃᐁᐧᐃᐧᐣ ᐱᒧᒋᑫᐃᐧᐣ (CFMAP) ᑲᐧᔭᐠ ᑲᓇᐁᐧᐣᑕᑲᐧᐣ, ᑲᐃᐧᐣ ᒋᑎᐸᐦᐃᑲᑌᐠ, 24 ᑕᓴᐊᐧᑲᓭ ᐯᔑᑯᑭᔑᑲ, 7 ᑕᓱᑭᔑᑲ ᐯᔑᐱᒥᑯᓇᑲ. ᐁᑲᐧ ᐅᐁᐧ ᐱᒧᒋᑫᐃᐧᐣ (CFMAP) ᐊᐦᐃᐣ ᑲᔦ ᐊᔭᒥᐦᐃᐁᐧᐃᐧᐣ ᑕᑭᒥᓇᑲᓄᐊᐧᐠ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ. ᐁᑲᐧ ᐅᐁᐧ ᒪᒋᑭᑐᐃᐧᐣ ᐅᒪ ᐱᒧᒋᑫᐃᐧᓂᐠ (CFMAP) 1-800-268-7708.
• ᒪᒪᓂᐃᐧᑐᒋᑫᐃᐧᐣᐃᐧᒋᐦᐃᐁᐧᐃᐧᐣᐁᑲᐧᐃᐧᒋᐦᐃᐁᐧᐃᐧᑲᒥᐠ (SMSRC): ᐁᑲᐧ ᐅᐁᐧ ᐱᒧᒋᑫᐃᐧᐣ (SMSRC) ᐃᐧᒋᐦᐃᐁᐧᐃᐧᓇᐣ ᐅᒥᓇᐣ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ (JCR) 16 ᓀᐃᐧᐨ 18 ᑲᑕᓴᑭᐃᐧᓀᓂᐨ ᒣᑲᐧᐨ ᑲᐃᐧᒋᐦᐃᐁᐧᐊᐧᐨ ᐁᑲᐧ ᒥᓇ ᑲᑭᐱᐃᐧᒋᐦᐃᐁᐧᐊᐧᐸᐣ ᐅᒪ ᑲᓀᐣᑎᔭᐣ ᓄᑎᓂᑫᐃᐧ ᐱᒧᒋᑫᐃᐧᓂᐠ ᒥᓇ ᐱᑯ ᒥᓯᐁᐧ ᓄᑎᓂᑫᐃᐧ ᐱᒧᒋᑫᐃᐧᐣ ᐊᓄᑭᓇᑲᓇᐠ ᐅᓴᑦ ᐱᔑᑲᐧᒋᒋᑫᐃᐧᐣ ᐅᒋ. ᐁᑲᐧ ᔕᑯᐨ, ᑲᑭᓇ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ ᐅᑲᑭᓇᑐᑕᓇᐊᐧ ᑭᑭᓄᔑᓄᐃᐧᐣ ᒥᓇ ᐃᐧᑕᒪᑫᐃᐧᐣ. ᐁᑲᐧ ᐅᐁᐧ ᒪᒋᑭᑐᐃᐧᐣ ᐅᒪ ᐱᒧᒋᑫᐃᐧᓂᐠ (SMSRC) 1-844-750-1648. https://www.canada.ca/en/department-national-defence/services/benefits-military/health-support/sexual-misconduct-response.html
• ᐱᒧᒋᑫᐃᐧᐣ (DND) ᒪᒥᓂᓂᑫᐃᐧᓇᐣᒥᓇᐃᐧᒋᐦᐃᐁᐧᐃᐧᓇᐣ (CSS): ᐁᑲᐧ ᑲᑭᓇ ᐊᓄᑭᓇᑲᓇᐠ ᐃᐧᒋᐦᐃᐁᐧᐃᐧᐣ ᐅᒪ ᐱᒧᒋᑫᐃᐧᓂᐠ (CSS) ᐅᑲᑭᐅᑎᓇᓇᐊᐧ ᒥᓇ ᒋᐃᐧᒋᐦᐃᔭᑲᓄᐊᐧᐨ ᑲᐸᑭᑎᓇᒧᐊᐧᐨ ᑎᐸᒋᒧᐃᐧᐣ, ᓇᓇᑲᒋᒋᑫᐃᐧᐣ ᐁᑲᐧ ᒪᒥᓂᓂᑫᐃᐧᐣ. ᐁᑲᐧ ᐊᓄᑭᓇᑲᓇᐠ ᑲᐃᐧᒋᐦᐃᔭᐊᐧᐨ ᑲᑌᐟᐢ ᐁᑲᐧ ᒍᓂᔦᕑ ᑲᓀᐣᑎᔭᐢ ᕑᐁᐣᒉᕑᐢ (JCR) ᑭᔭᑦ ᐅᑕᑲᓄᓇᐊᐧᐣ ᐊᓄᑭᓇᑲᓇᐣ ᐅᒪ ᐱᒧᒋᑫᐃᐧᓂᐠ (CSS), ᒋᐃᐧᒋᐦᐃᑯᐊᐧᐨ ᒥᓇ ᒋᑭᐦᑭᓄᔑᓂᐊᐧᐨ ᐊᓂᐣ ᑫᑐᑕᒧᐊᐧᐨ. https://www.canada.ca/en/department-national-defence/services/benefits-military/conflict-misconduct/integrated-conflict-complaint-management.html