Harassment, Conduct Deficiencies of a Sexual Nature, Harassment of a Sexual Nature, and Crimes of a Sexual Nature Prevention, Reporting and Response for Cadets and Junior Canadian Rangers | Ojibway

Migoshkaajiikewin, Izhidodamowin Noondewaag owi Bashigwaadiziwin, Migoshkaajiikewin owi Bashigwaadiziwin, miinwaa Baataadiwinan owi Bashigwaadiziwin Nigaasijigaadeg, Wiindamaagengh miinwaa Nakwetamowin onji Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig.

Gaawii niinwi dibaakinaziinaa:

CANFORGEN 089/24. Newen megwaa CAF naaknigewinan nikaazang owi okidiwin “bashigwaadiziwin majidoodamowin” ada oshkibiigaademigad awii bimigaadeg owi okidiwin. Owi CAF ada meshkood nikaazan newen kidiwinan izhidodamowin noondewaag owi bashigwaadiziwin, migoshkaajiikewin owi bashigwaadiziwin; miinwaa baataadiwinan owi bashigwaadiziwin.

Ndo waasamo asabi mazina-igan ada oshkibiigaademigad awii waabmdowengh maanda aanjichigewin owi apii CAF giishtod ado inaaknigaadeg naaknigewinan aanjichigaadeg.

Giishpin mineziyin wewiib, gichi maanaaji zhiwebak naadmaagewin maage niizaanendaman, giigidan 9-1-1.

Ginoosh owa e’waankii-enimad gwiijikiwen, inoodewiziwin, waaji nakiimad maage inendamowin mina yaawin mashkikiikwe(nini). Bimindizan zhiwe ayaayin miinwaa debinan mashkiki ginowenjigewin. Gdo mina yaawin aawon netamendaagwog.

Giishpin bikwaagpiiyin maage mineziyin naadmaagewin, aga bigosenimigwo awii zhiibiniketaayin gwaya e-penimandwad. Maaba gnimaa adaa aawi waaji nakiimad, gwijikiwen, inoodewiziwin maage bkaan gwaya debendaagozid owi gdo aasgaabiwitaagewin wiijii-ewin.

Bkaan nikaaziwinan

• Canadian Wiijinakiindiwin owi Gopajichigewin Wiigwaaman

Gewe Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig miinwaa Gaanada Zhimaagnishag enkiitaagejig enkiijig owi aasgaabiwitamawaad owi Eshkiniigijig Gaanada Ekwaamjigejig ado nendaagoziwin awii miigwewaad owi waankiimigag, wiikidendaagwog, miinwaa aasgaabiwichigaademigag Nankiiwin agaataawingh. Maanda adamoomigad waaji dinakimigizijig eshkiniigijig miinwaa netaawigijig aabishkaanaa-aa newen nowonj dnowaa bkaan enjigewinan, goopaji-iwewin, gagwek aawizinag doodamowin, miinwaa binaajichige doodamowin. Owi age adamomigad gewe Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig, minwaa gewe ado netaawigijig gikinomaakidowaa-aad ado ayaanaa-aa owi nendaagoziwin awii mina dodawaa-aad, minadendamowaad miinwaa owi gagwek aadiziwin zhiwe owi yaangh bwaa migoshkaajiikwengh epiichi ayaangh age owi dibineweziwin awii dodawindwaa naasaab nikiiyaa.

Nigaasijigewin, wiindamaagengh miinwaa nakwetamowin onji Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig.

Kina netaawigijig enkiijig gagwek wiijiyaawaad gewe Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig dowendaagoziwog awii debinamiwaad zhiibaa-aamjigan. Maanda adamoomigad aabdeg ada debinaanaa-aa Dikoniwewin Zigakibiigewin N’dagikenjigaadeg miinwaa E’niinwendaagozijig Zhiibaa-aamjigan apii wiijii-ewaad miinwaa age ada zhichigewog ensa naani biboon dash apii.

Miinwaa aanke, kina eshkiniigijig miinwaa netaawigijig waadookaaziwaad zhiwe Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig Nankiiwin dowendaagoziwog awii izhidodamowaad inaagijigewaad newen ishpenjigaadeg aadiziwin miinwaa gimaawinan owi CJCR Gp miinwaa owi Gaanada Zhimaaginishag (CAF) miinwaa age newen naaknigewinan maampii Gaanada.

Ensa biboon kina Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig Nankiiwin waajii-ejig miinwaa netaawigijig gikinomaagejig aabdeg ada aanji ginowaabmdaanaa-aan, dizhindaanaa-aan, miinwaa nooziwinkaadaanaa-aa owi zhibiigan newen nendowenjigaadeg inaadiziwin miinwaa newen nendowedaagosinag. Ninda inaadiziwinan maando biigaadenon zhiwe ninda eni zhibiigaadeg niish Naagijigewinan owi Inaadiziwin.

• CJCR Gp Naaknigewin 5019-6: 5019-6 Naagijigewinan owi Inaadiziwin - Canada.ca miinwaa
• CJCR Gp Naaknigewin 10032 JCR Naagijigewinan owi Inaadiziwin miinwaa Izhinaagoziwin: 10032 JCR Naagijigewinan owi Inaadiziwin - Canada.ca.

Gikendan woshme owi ginowaabmdaman newen waasamo asabi mazina-iganan gewe Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig miinwaa owi Niigaanzingh newen Nankiiwinan.

Aapiish age zhaayaan onji naadmaagewin miinwaa aasgaabiwitaagewin giishpin niin maage gwaya gekenimag madookidaagaazad owi migoshkaajiikewin maage gopajiwewin? 

Giishpin agii waabmdaman, maage wiindamaagowin, maage digoyaayin owi zhiwebak migoshkaajiikewin maage gopajiwewin, gdo gagaandimigwo awii wiindamowad maanda agaa zhiwebak gwayaa netaawigid nankiiwin naagaanzid onji naadmaagewin.

Kina Zhimaaginishiiwin Gikinomaagaazijig Gikinomaaged Waajii-ed (CIC) naagaanzijig, CA enkiitaagejig, miinwaa netaawigijig enkiitaagejig aasgaabwitamowaad newen Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig (JCR) nankiiwinan gikinomaagaaziwog owi wiindamaagewin miinwaa nakwetamowin nendowendaagwog miinwaa zhichigewin. Gikinomaagaaziwog awii naadmaagiyin maage gwaya gekenimad agaa madookidaagaazad owi migoshkaajiikewin, maage majidoodamowin bashigwaadiziwin nikiiyaa.

Gdaa age dowaabmdan naadmaagewin owi ginoondwaa newen wiijii-ewinan ezhibiigaazijig zhiwe owi “Aanke Nikaaziwinan” makigaadeg odi ekwaawiingh maanda mazinigan.

Owi Zhimaaginishiiwin Gikinomaagaazijig Bimiikaademigag miinwaa Gikinomaagewin Naaknigewinan (CATOs) 13-24, Migoshkaajiikewin Nigaasijigaadeg miinwaa Naawichigaadeg zhitoomigad owi CJCR Gp naaknigewin owi e’waawiindang owi wiindamagengh miinwaa nakwetamangh migoshkaajiikewin, bashigwaadiziwin majidoodamowin, bashigwaadiziwn migoshkaajiikewin maage baataadiwinan owi bashigwaadiziwin ayaawong. Megwaa, owi DND aanjibii- aan maanda naaknigewin onji awii miigsemigag megwaa zhichigewin miinwaa age waawiindaanan nikaaziwinan owi bamiikigaadeg owi migoshkaajiikewin miinwaa gopajiwewin.

Wiindamaagengh owi miinwaa Nakwetamangh owi Migoshkaajiikewin, Gopajiwewin, Izhidodamowin Noondewaag owi Bashigwaadiziwin, Migoshkaajiikewin owi Bashigwaadiziwin, miinwaa Baataadiwinan owi Bashigwaadiziwin:

Owi apii gikendamowaad owi gopajiwewin maage migoshkaajiikewin zhiwebak, netaawigijig e’aasgaabwitamowaad owi Zhimaaginishiiwin Gikinomaagewin miinwaa Eshkiniigijig Gaanada Ekwaamjigejig Nankiiwinan ndowendaagoziwog awii daapinamiwaad maagsemigag zhichigewin.

Gdaa dinenmaag netaawigijig gikinomaakidaagejig awii zhitowaad ninda ezhibiigaadeg zhichigewinan:

• Gagwekwendaagwog gdo waankiiwin miinwaa owi waankiiwin owa bekaanzid medookidaagazad bemaadizid.
• Zhibiigen awii gikinwaajibiiman ekidayin miinwaa e’waabmdaman.
• Wiindamaagen gego inaajimowin maage anaaminigewin owi baataadiwin dnowaa gewe gwayak naagaanzijig.
• Owi apii owi ezhiwebak agii wiindamaagengh gewe naagaanzijig, gagwekwendan owi gdo Naagidowin owi Gimaawin wiindamodwaa. Gdo gikinomaakidaaged ada zhichige owi maagsemigag, miinwaa owi naagijigaadeg newen giimodag naaknigewinan miinwaa naagijigewin. Gewe waaji-nakiindijig, zhimaaginishag maage maamiwiyaajig aabdeg age adaa naagidonaa-aa Gichi Zhiwebak nankiiwin naaknigewin, ezhi dowendaagwog.
• Apii wiindamaagaazad, owa Naagaanzid Zhimaaginish maage Ogimaa Zhimaaginish nyaagaanzid gnimaa ada dowendaagozi awii wiindamowaad gdo gitiziimag maage nyaagidowenimigiyin. Owa Ogimaa Zhimaaginish ada zhichige maanda giishpin nondaaj apiitiziiyin owi netaawigingh owi gdo kiins maage waasa-wekamig miinwaa giishpin owi mookwaajimowin gaawii aazhidetosiin owi Giimodag Naaknigewin.

Aanowi gwa ndo gimaawin gaawii maamdaa awii nda-gikendang inaajimowin owi baataadiwin zhiwebak, gdaa miinigwo nikaaziwinan awii naadimaagiyin makamon owi aasgaabiwitaagewin meneziyin. Gdaa naadmaagwo age giishpin agii maanaaji dodaagowin apii misendaman owi DND/CAF zhichigewinan. Giigidan owi DND/CAF Nendakenjiged Maanaaji Dodamowin nakii gamig. Ndo ayaami zhinda awii naadmaagowin!

Gikinomaadiwin Gewe Zhimaaginishiiwin Gikinomaagewin 

Owi Gagaandinigaadeg Mina Yaawin miinwaa Waankiiwong Bimaadiziwin (PHASE) nankiiwin agii mazininigaademigad owi Gaanada Red Cross awii naadmaagiyin awii gikendaman inendamowin, wiijikiwendiwin, miinwaa mina yaawin aasgaabiwichigewinan etemigag giin onji miinwaa waaji piitiziimijig zhiwe gdo odeniwin. Maanda age aga zhinomaagwon owi agezhi aawiyin nyaadimaaged, nanaaginiweyin aawiyin besha nyaaniibiwid, miinwaa debinaman naadmaagewin.

PHASE ado nikaazan inendamowin/namjiwin naandowechige nikiiyaa (dibishko Ginowaabmdan-Bazindan-Dikobidoon-Bimaadizin) awii naadmaagoyin awii dazhindaman miinwaa dibizhiman enkamigag onji awii gikendaman miinwaa awaa zhichigeyin owi aasgaabivichigewin. Owi inaaknigaadeg gikinomaagewin naagizowaabmjigaademigad owi Gaanada Red Cross Inendamowin/Namjiwin Naandowechigewin Nikiiyaa nyaagijigaadegin. Ninda nyaagijigaadegin onjibaamigadoon owi maajitaatoongh owi dikobiziwin giin miinwaa waaji piitiziimijig owi gaawii dibaakinigesiingh.

PHASE gmiinigwog newen nikaaziwinan owi:

• nakweshkidiwin mina nikiiyaa gewe bekaanzijig,
• aabaji waankiingh apii nakweskamong wiisgaapinewin miinwaa niizaanziwin,
• nisidiwiniman gagwek aawizinag doodamowin miinwaa maanaaji dodamowin, miinwaa
• gagwedwewin naadmaagewin onji etemigag nikaaziwinan apii mine-aag.

Owi aawong gdo ntam PHASE gikinomaadiwin owi biboon, aga zhitoon gdo debendaman Waankiiyin Inaaknigewin miinwaa Aasgaabiwitaadiwin Wiijiyaawin. Owi waankiiwin inaaknigewin ada digosin awaa zhichigeyin apii mineziyin naadmaagewin miinwaa age wenesh miinwaa ezhi giigidayin awii debinaman owi naadmaagewin.

Gikinomaadiwin onji Niigaanzijig

Kina CIC naagaanzijig, CA miinwaa netaawigijig enkiitaagejig gewe e’aasgaabwitamowaad owi CJCR Gp Nankiiwin agii gikinomaagaaziwog owi wiindamaagengh miinwaa nakwetamowin nendowendaagikin. Miinwaa aanke, agii gikendaanaa-aan newen zhichigewinan awaa naagidowaad apii gwaya madookidaagaazad newen izhidodamowin noondewaag owi bashigwaadiziwin, migoshkaajiikewin owi bashigwaadiziwin, baataadiwinan owi bashigwaadiziwin, migoshkaajiikewin, maage gopajichigewin.

Gikendan woshme owi ginowaabmdaman owi waasamo asabi mazina-igan owi Niigaanziitamowin newen nankiiwinan.

Aanke nikaaziwinan 

• Aasgaabiwichigewin Nikaaziwinan onji Zhimaaginishiiwin Gikinomaagaazijig, Eshkiniigijig Gaanada Ekwaamjigejig, miinwaa Netaawigijig Enkiitaagejig: Maanda CJCR Gp waasamo asabi mazina-igan miigwemigad dikobijiginon newen megwaa etegin nikaaziwinan onji Zhimaaginishiiwin Gikinomaagaazijig, Eshkiniigijig Gaanada Ekwaamjigejig miinwaa netaawigijig naagaanzijig nendowendamowaad naadmaagewin miinwaa aasgaabwitaagewin. https://www.canada.ca/en/department-national-defence/services/cadets-junior-canadian-rangers/support-resources-for-cadets-junior-canadian-rangers-and-adult-staff.html
• Binoojiinig Naadmaadwin Giigido Biiwaabikoons aawon bemaadizijig gaawii zhimaaginish ayaawisiwaad nankiiwin maagwemigag aasgaabiwitaagewin gewe eshkiniigijig 24 dibagiisiwaan, 7 giizhigadon ensa nigo namegiizhik. Gdaa ginonaanaag owi giigidayin 1-800-668-6868 maage zhibiimodwaa odi 686868. Giishpin gashkitosiwan awii dibaataman, zhibii-an owi. - Binoojiinig Naadmaadwin Giigido Biiwaabikoons
• Owi Canadian Zhimaaginishag Waajii-ed Naadmaagewin Nankiiwin (CFMAP) aawon e’giimodag, wenpash zhichigewin etemigag 24 dibagiisiwaan, 7 giizhigadon ensa nigo namegiizhik. CFMAP gnimaa adaa miigwenaa-aa gagiigidamowinan onji Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig. Owi ezhi giigidang gindaasowin owi CFMAP aawon 1-800-268-7708.
• Bashigwaadiziwin Majidoodamowin Aasgaabiwichigewin miinwaa Nikaaziwinan Gamig (SMSRC): SMSRC miigwemigad aasgaabwitaage zhichigewinan gewe Zhimaaginizhiiwin Gikinomaagaazijig miinwaa Eshkiniigijig Gaanada Ekwaamjigejig epiitizijig 16-18 biboonan miinwaa onji megwaa e’nakiitaagejig maage azhigwa Canadian Zhimaaginishag waajii-ejig miinwaa Zhimaaginishiiwin Gikinomaagaazijig miinwaa Gichi Kiingh Ganowenjigejig bemaadizijig nakiitwindwaa enkiitaagejig madookidaagaaziwaad owi bashigwaadiziwn majidodamowin. Dash, kina Zhimaaginishiiwin Gikinomaagaazijig miinwaa Eshkiniigijig Gaanada Ekwaamjigejig adaa gagwedwewog owi zhinomaagewin miinwaa giikimigewin. Owi ezhi giigidang gindaasowin owi SMSRC aawon 1-844-750-1648.https://www.canada.ca/en/department-national-defence/services/benefits-military/health-support/sexual-misconduct-response.html
• DND Aagonetaadiwin Nanaatowinan miinwaa Zhichigewinan (CSS): Kina ganowenjigewin maamowi nakiijig waajii-ejig adaa ginonaa-aan CSS onji aaasgaabiwitaagewin miinwaa naadmaagewin owi niindaawengh, naagizowaabmdamongh, miinwaa nanaatoongh baataawewinan. Enkiitaagejig nyaadimowaajig Zhigmaaginishiiwin Gikinomaagaazijig miinwaa Eshkiniigijig Gaanada Ekwaamjigejig eyaamijig aagonetaadiwinan adaa gagejimaa-aan enkiitaagejig odi CSS owi gikendamowin, zhinomaagewin, miinwaa aasgaabiwitaagewin. https://www.canada.ca/en/department-national-defence/services/benefits-military/conflict-misconduct/integrated-conflict-complaint-management.html