Harcèlement, écarts de conduite de nature sexuelle, harcèlement de nature sexuelle et crimes de nature sexuelle – Prévention, signalement et intervention | inuktitut

ᐸᒡᕕᓴᐃᔪᑦ ᐱᑦᑎᐊᖅᑕᐅᓐᖏᑦᑐᑦ, ᖃᓄᑐᐃᓐᓇᖅ ᐱᓕᕆᓇᓱᐊᖅᑐᑦ ᑯᔭᒍᒪᓂᒃᑯᑦ, ᐱᑦᑎᐊᓐᖏᑦᑐᑦ ᐊᑐᖅᓯᓪᓗᑎᒃ ᑯᔭᖕᓂᕐᒥᒃ, ᐊᒻᒪᓗ ᐱᕋᔭᒍᑎᖃᖅᑐᑦ ᑯᔭᖕᓂᕐᒥᒃ ᓴᐳᓐᓂᐊᕈᑎᓂᒃ, ᐅᖃᐅᓯᕆᓗᒋᑦ ᐊᒻᒪᓗ ᑭᐅᔭᐅᓗᑎᒃ ᐅᓇᑕᖅᑐᒃᓴᖑᐊᑦ ᐊᒻᒪᓗ ᐅᓇᓕᒃᓴᐃᑦ ᒪᒃᑯᒃᑐᑦ.

ᐸᓯᔭᒃᓴᐃᓐᖏᓂᕋᐅᑎ:

ᑳᓐᕗᐊᔨᓐ 089/24. ᒫᓐᓇ ᐊᑐᖅᑕᐅᔪᑦ ᑲᓇᑕᒥ ᐅᓇᑕᖅᑐᒃᓴᓂᒃ ᐊᑐᐊᒐᐃᑦ ᐊᑐᖅᓯᔪᑦ ᑕᐃᒎᓯᕐᒥᒃ “ᖁᔭᖕᓂᒃᑯᑦ ᐱᑦᑎᐊᓐᖏᔾᔪᑎᖃᖅᑐᑦ” ᓄᑖᖑᕆᐊᖅᑎᑕᐅᓂᐊᖅᑐᖅ ᐲᖅᑕᐅᓗᓂᓗ ᑕᐃᒎᓯᖅ ᑕᐃᒪᓐᓇ. ᐅᑯᐊ ᑲᓇᑕᒥ ᐅᓇᑕᖅᑐᒃᓴᐃᑦ ᐊᑐᖅᓯᓐᖏᖔᕐᓗᑎᒃ ᑕᐃᒎᓯᖅ ᐱᓕᕆᑦᑎᐊᓐᖏᑦᑐᑦ ᑯᔭᒍᒪᓂᒃᑯᑦ; ᐸᒡᕕᓴᐃᔪᑦ ᐱᑦᑎᐊᓐᖏᑦᑐᑦ ᖁᔭᖕᓂᒃ ᐱᔾᔪᑎᒋᓪᓗᒍ; ᐊᒻᒪᓗ ᐱᕋᔭᒃᑐᑦ ᑯᔭᖕᓂᒃᑯᑦ.

ᖃᕆᓴᐅᔭᖅᐸᕕᕗᑦ ᑎᑎᕋᖅᓯᒪᔪᖏᑦ ᓄᑖᖑᕆᐊᖅᑎᑕᐅᓗᑎᒃ ᐱᓯᒪᓂᖃᕐᓗᒍ ᑕᒪᓐᓇ ᐊᓯᖑᖅᑐᖅ ᑕᐃᒫᒃ ᑲᓇᑕᒥ ᐅᓇᑕᒃᑐᒃᓴᐃᑦ ᐱᔭᕇᖅᓯᒪᔭᖏᓐᓂᒃ ᐊᖏᖅᑕᐅᓯᒪᔪᑦ ᐊᑐᐊᒐᒃᓴᐃᑦ ᐊᓯᖑᖅᑐᑦ.

ᐊᑦᑕᕐᓇᖅᑐᒦᓐᓇᓱᒋᓕᑐᐊᕈᕕᑦ ᐃᕐᖐᓐᓇᖅ, ᑐᐊᕕᕐᓇᖅᑐᖅᓯᐅᑎᒍᑦ ᐃᑲᔪᖅᑎᓄᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒦᓐᓇᓱᒋᓕᕈᕕᑦ ᐅᖃᓗᒡᓗᑎᑦ 9-1-1.

ᐅᖃᐅᑎᓗᒍ ᐱᖃᓐᓇᕆᔭᐃᑦ, ᐃᓚᐃᑦ, ᓴᓇᖃᑏᑦ ᐅᕝᕙᓘᓐᓃᑦ ᐃᓱᒪᓕᕆᔨ ᐋᓐᓂᐊᓯᐅᖅᑎᖓᑦ. ᕿᒪᒃᓯᓗᑎᑦ ᑕᐃᒪᐃᑦᑐᒦᑎᑦᑎᔪᓂᒃ ᐊᒻᒪᓗ ᐋᓐᓂᐊᕕᖕᒥ ᐃᑲᔪᖅᑕᐅᔪᒪᓗᑎᑦ. ᖃᓄᐃᖏᑦᑎᐊᕆᐊᖃᕐᓃᑦ ᓯᕗᓪᓕᐅᑎᓯᒪᓂᐊᖅᑕᕗᑦ. ᐊᒃᓱᕈᓐᓇᓗᐊᕈᓂ ᐃᓕᖕᓄᑦ ᐅᕝᕙᓘᓐᓃᑦ ᐃᑲᔪᖅᑕᐅᒋᐊᖃᕈᕕᑦ, ᐊᑏ ᑭᓇᑐᐃᓐᓇᒧᑦ ᐅᖃᕐᕕᒋᔪᓐᓇᖅᑕᕐᓄᑦ ᐃᓗᐊᕆᔭᕐᓄᑦ ᐅᖃᐅᔾᔨᓗᑎᑦ. ᑕᐃᒃᑯᓄᖓ ᓴᓇᖃᑎᖕᓄᑦ, ᐱᖃᓐᓇᕆᔭᕐᓄᑦ, ᐃᓚᖕᓄᑦ ᐅᕝᕙᓘᓐᓃᑦ ᐃᓚᒋᔭᕐᓄᑦ ᐃᑲᔪᖅᑕᐅᕕᒋᕙᒃᑕᕐᓂᑦ ᐅᖃᕐᕕᒋᓐᓇᖅᑕᕐᓄᑦ.

ᐊᓯᖏᑦ ᐃᑲᔪᕈᓐᓇᖅᑐᑦ

• ᑲᓇᑕᒥ ᑲᑐᔾᔨᖃᑎᒌᑦ ᖁᓄᔪᕐᓂᐊᖅᑕᐅᔪᖃᖅᑎᓪᓗᒍ ᐱᑦᑎᐊᖅᑕᐅᓐᖏᑦᑐᓄᑦ ᐅᐸᒃᑕᐅᕕᒃ

ᐅᑯᐊ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᖃᑎᒌᑦ ᐊᒻᒪᓗ ᑲᓇᑕᒥ ᐅᓇᑕᖅᑐᒃᓴᐃᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔮᖃᖅᑐᑦ ᔫᓂᐊ ᑲᓇᑕᒥ ᐅᓇᓕᒃᓴᓄᑦ ᐱᓕᕆᑎᑦᑎᔾᔪᑕᐅᔪᓄᑦ ᐱᔭᒃᓴᖃᖅᑐᑦ ᒪᓕᒐᕐᓄᑦ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ, ᑐᓐᖓᓱᒃᑎᑦᑎᓂᕐᒧᑦ, ᐊᒻᒪᓗ ᐃᑲᔪᖅᑎᐅᓂᕐᒧᑦ ᐱᓕᕆᑎᑦᑎᔾᔪᑕᐅᔪᓄᑦ. ᐅᓇ ᑐᑭᖃᖅᑐᖅ ᐃᓚᐅᓗᑎᒃ ᒪᒃᑯᒃᑐᑦ ᐊᒻᒪᓗ ᐃᓐᓇᐃᑦ ᖃᓄᐃᑕᐅᓂᐊᓐᖏᒻᒪᑕ ᐊᑭᕋᖅᑐᖅᑕᐅᓂᕐᒥᑦ ᐃᓚᐃᓐᓈᖅᑕᐅᓂᕐᒥᑦ, ᓱᒃᑯᓴᖅᑕᐅᓂᕐᒥᑦ, ᓈᒻᒪᑐᓐᖏᑦᑐᓕᕆᔪᓂᑦ, ᐊᒻᒪᓗ ᓱᕋᐃᔪᓐᓇᖅᑐᓂᒃ ᐃᓕᖁᓯᖃᖅᑐᓂᑦ. ᐅᓇ ᑐᑭᖃᖅᑐᖅ ᐅᑯᐊ ᐅᓇᑕᖅᑐᒃᓴᕋᓛᑦ, ᔫᓂᐊ ᐅᓇᓕᒃᓴᐃᑦ, ᐊᒻᒪᓗ ᐃᓐᓇᐃᑦ ᐅᔾᔨᖅᑐᖅᑎᖏᑦ ᐱᔭᒃᓴᖃᖅᑐᑦ ᐱᑦᑎᐊᕆᐊᖃᖅᖢᑎᒃ ᐊᓯᒥᖕᓂᒃ, ᐃᒃᐱᒍᓱᑦᑎᐊᕆᐊᖃᖅᑐᑦ ᐊᒻᒪᓗ ᒪᓕᑦᑎᐊᕐᓗᒍ ᐱᒃᑯᒋᓗᒍ ᐊᕙᑎᖓ ᐸᒡᕕᓴᐃᔭᕆᐊᖃᓐᖏᑦᑐᒥ ᑕᐃᒪᓗ ᐱᔪᓐᓇᐅᑎᖃᖅᑐᑦ ᑕᐃᒫᒃᑕᐅᖅ ᐱᑦᑎᐊᖅᑕᐅᔪᒪᒐᒥᒃ ᐱᑦᑎᐊᖃᑦᑕᕐᒥᓗᑎᒃ. 

ᓴᐳᓐᓂᐊᕐᓂᖅ, ᐅᓂᒃᑳᓕᐅᕐᓂᖅ ᐊᒻᒪᓗ ᑭᐅᓯᓂᖅ ᐅᓇᑕᖅᑐᒃᓴᕋᓛᓂᒃ ᐊᒻᒪᓗ ᔫᓂᐊ ᐅᓇᓕᒃᓴᓂᒃ

ᑕᒪᕐᒥᒃ ᐃᓐᓇᐃᑦ ᐱᓕᕆᖃᑎᖃᓲᖑᖕᒪᑕ ᐅᓇᖅᑐᒃᓴᕋᓛᓂᒃ ᐊᒻᒪᓗ ᔫᓂᐊ ᐅᓇᓕᒃᓴᓂᒃ ᑕᐃᒪᓗ ᖃᐅᔨᓴᖅᑕᐅᑦᑎᐊᕆᐊᖃᕈᑎᒋᔭᖏᑦ. ᐅᓇ ᑐᑭᖃᖅᑐᖅ ᖃᐅᔨᓴᖅᑕᐅᓗᑎᒃ ᐱᕋᔭᖕᓂᑰᖕᒪᖔᑕ ᐸᓖᓯᒃᑯᑎᒍᑦ ᐊᒻᒪᓗ ᐊᑦᑕᕐᓇᖅᑐᒦᑎᑦᑎᓂᑰᖕᒪᖔᑕ ᖃᐅᔨᓴᖅᑕᐅᓗᑎᒃ ᐃᓚᐅᓕᑐᐊᖅᐸᑕ ᐊᒻᒪᓗ ᑕᐃᒪᓐᓇ ᖃᐅᔨᓴᖅᑕᐅᖃᑦᑕᕐᓂᐊᖅᑐᖅ ᑕᐃᒪᖓᓂᑦ ᑕᓪᓕᒪᑦ ᐊᕐᕌᒍᑦ ᐊᓂᒍᕌᖓᑕ.

ᑕᐃᒪᓐᓇᐅᖕᒪᑦ, ᑕᒪᕐᒥᒃ ᒪᒃᑯᒃᑐᑦ ᐊᒻᒪᓗ ᐃᓐᓇᐃᑦ ᐱᓕᕆᖃᑕᐅᔪᑦ ᐅᓇᑕᖅᑐᒃᓴᕋᓛᓂ ᐊᒻᒪᓗ ᔫᓂᐊ ᐅᓇᓕᒃᓴᓂ ᐱᓕᕆᑎᑦᑎᔾᔪᑕᐅᔪᓂ ᒪᓕᑦᑎᐊᕆᐊᖃᓲᑦ ᐊᑑᑎᖃᖅᑐᓂᒃ ᐊᒻᒪᓗ ᑐᑭᒧᐊᒍᑎᖏᓐᓂᒃ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᐊᖃᑎᒌᖕᓄᑦ ᐊᒻᒪᓗ ᑲᓇᑕᒥ ᐅᓇᑕᖅᑐᒃᓴᐃᑦ ᐊᒻᒪᓗ ᒪᓕᒐᖏᑦ ᑲᓇᑕᒥ.

ᐊᕐᕌᒍᑕᒫᑦ ᑕᒪᕐᒥᒃ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᑎᑦᑎᔾᔪᑕᐅᔪᑦ ᐃᓚᐅᔪᓄᑦ ᐊᒻᒪᓗ ᐃᓐᓇᕐᓄᑦ ᐃᓕᓴᐃᔨᓄᑦ ᕿᒥᕐᕈᐊᖅᑕᐅᒋᐊᖃᓲᑦ, ᐅᖃᖃᑎᒌᒍᑕᐅᓗᑎᒃ ᐊᒻᒪᓗ ᐊᑎᓕᐅᖅᑕᐅᓗᑎᒃ ᑎᑎᕋᖅᓯᒪᔪᑦ ᓂᕆᐅᒋᔭᐅᔪᑦ ᐃᓕᖁᓯᒋᒋᐊᖃᖅᑕᖏᑦ ᐊᒻᒪᓗ ᓈᒻᒪᒋᔭᐅᒐᔭᓐᖏᑦᑐᖏᑦ. ᐅᑯᐊ ᐃᓕᖁᓯᕆᔭᕆᐊᖃᖅᑕᖏᑦ ᓇᐃᓈᖅᓯᒪᖃᑦᑕᖅᑐᑦ ᐊᑖᓂ ᑎᑎᕋᖅᓯᒪᔪᑦ ᒪᕐᕉᒃ ᐱᑦᑎᐊᓕᔭᕆᐊᖃᕐᓂᕐᒧᑦ ᒪᓕᒐᐃᑦ:

• ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᖃᑎᒌᑦ ᐱᓕᔭᐅᔾᔪᑎᖓᑦ 5019-6: 5019-6 Codes of Conduct - Canada.ca ᐊᒻᒪᓗ
• ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᖃᑎᒌᑦ ᐱᓕᔭᐅᔾᔪᑎᖓᑦ 10032 ᔫᓂᐊ ᐅᓇᓕᒃᓴᐃᑦ ᒪᓕᒋᐊᖃᖅᑐᑦ ᐱᑦᑎᐊᓕᒋᐊᖃᕐᓂᕐᒧᑦ ᐊᒻᒪᓗ ᓴᕿᔮᑦᑎᐊᕐᓗᑎᒃ:10032 JCR Conduct and Appearance - Canada.ca.

ᐃᓕᑦᑎᒃᑲᓐᓂᕈᓐᓇᖅᑐᑎᑦ ᑐᑭᓯᓇᓱᒡᓗᑎᑦ ᖃᕆᓴᐅᔭᖃᖅᕕᒃᑎᒍᑦ ᐅᕘᓇ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐊᒻᒪᓗ Lᓯᕗᓕᐅᖅᑎᐅᓂᖅ ᐱᓕᕆᑎᑦᑎᔾᔪᑕᐅᔪᓄᑦ .

ᓇᒧᖓᐅᒐᔭᖅᐳᖓ ᐃᑲᔪᖅᑕᐅᔪᒪᒍᒪ ᐊᒻᒪᓗ ᐃᑲᔫᑎᒃᓴᐃᑦ ᐅᕙᖓ ᐅᕝᕙᓘᓐᓃᑦ ᐊᓯᒐ ᐊᒃᑐᖅᑕᐅᒃᐸᑦ ᐸᒡᕕᓴᒃᑕᐅᔪᓂ ᐅᕝᕙᓘᓐᓃᑦ ᓱᒃᑯᓴᖅᑕᐅᔪᓂ? 

ᑕᑯᓯᒪᒍᕕᑦ, ᐅᖃᐅᑎᔭᐅᓯᒪᒍᕕᑦ, ᐅᕝᕙᓘᓐᓃᑦ ᐃᓚᐅᓯᒪᒍᕕᑦ ᖃᓄᐃᓕᐅᖅᑐᓂᑦ ᐱᒡᕕᓴᐃᓂᒃᑯᑦ ᐅᕝᕙᓘᓐᓃᑦ ᓱᒃᑯᓴᐃᔪᓂ, ᑲᔪᖏᖅᓴᐃᕗᒍᑦ ᐅᖃᐅᓯᕆᓗᒍ ᑕᒪᓐᓇ ᑕᐃᒪᐃᓕᖓᔪᑦ ᓇᓕᐊᖕᓄᑐᐃᓐᓇᖅ ᐃᓐᓇᕐᓄᑦ ᐱᓕᕆᑎᑦᑎᔾᔪᑕᐅᔪᑦ ᓯᕗᓕᐅᖅᑎᖓᓄᑦ ᐃᑲᔪᖅᑐᖅ ᐅᓇᑕᖅᑐᒃᓴᕋᓛᓂᒃ ᐊᒻᒪᓗ ᔫᓂᐊ ᐅᓇᓕᒃᓴᓂᒃ ᐱᓕᕆᑎᑦᑎᔾᔪᑕᐅᔪᓄᑦ ᐱᔭᕆᐅᖅᓴᓯᒪᑦᑎᐊᖅᑐᑦ ᐅᓂᒃᑳᓕᐅᕐᓂᕐᒥᒃ ᐊᒻᒪᓗ ᑭᐅᓯᔾᔪᑎᑦ ᑕᐃᒪᓐᓇᐅᔭᕆᐊᖃᖅᑎᑕᐅᔪᑦ ᐊᒻᒪᓗ ᐱᐅᓯᕐᓂᒃ. ᐱᔭᕆᐅᖅᓴᓯᒪᑦᑎᐊᖅᑐᑦ ᐃᑲᔪᕈᓐᓇᕐᓂᕐᒥᒃ ᐅᕝᕙᓘᓐᓃᑦ ᑭᓇᑐᐃᓐᓇᖅ ᖃᐅᔨᒪᔭᐃᑦ ᐊᒃᑐᖅᑕᐅᒃᐸᑦ ᐸᒡᕕᓴᒃᑐᓂᑦ, ᐱᑦᑎᐊᓐᖏᑦᑐᓂᑦ, ᐅᕝᕙᓘᓐᓃᑦ ᐱᕋᔭᒃᑐᓂᑦ ᖁᓄᔪᕐᓂᐊᕐᓂᒃᑯᑦ.

ᕿᓂᕈᓐᓇᖅᑐᑎᑦᑕᐅᖅ ᐃᑲᔪᕈᓐᓇᖅᑐᓂᒃ ᐅᖃᖃᑎᒋᓗᒋᑦ ᐱᓇᓱᐊᖃᑎᒌᑦ ᑎᑎᕋᖅᓯᒪᔪᑦ ᑕᐃᑲᓂ “ᐊᓯᖏᑦᑕᐅᖅ ᐃᑲᔪᕈᓐᓇᖅᑐᑦ” ᓇᓕᔪᓐᓇᖅᑕᑎᑦ ᑖᔅᓱᒪ ᑎᑎᕋᖅᓯᒪᔪᑉ ᐃᓱᐊᓂ.

ᐅᓇ ᐅᓇᑕᖅᑐᒃᓴᕋᓛᑦ ᐊᐅᓚᑦᓯᕕᖓ ᐊᒻᒪᓗ ᐱᔭᕆᐅᖅᓴᐅᑎᒃᓴᖏᑦ ᑎᓕᔭᐅᓯᒪᔪᑦ 13-ᒥᑦ 24-ᒧᑦ, ᐸᒡᕕᓴᐃᒋᐊᖃᓐᖏᓂᖅ ᐊᒻᒪᓗ ᐱᖁᔨᕗᖔᕈᑎ ᑕᑕᑎᕆᐊᓕᒃ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᖃᑎᒌᑦ ᐊᑐᐊᒐᖅ ᓇᓗᓇᐃᑦᑎᐊᖅᓯᒪᔪᑦ ᐱᐅᓯᒃᓴᓂᒃ ᐅᖃᐅᓯᕆᔭᕆᐊᖃᕐᓂᖏᓐᓄᑦ ᐊᒻᒪᓗ ᑭᐅᓯᓂᐊᕐᓗᓂ ᐸᒡᕕᓴᖕᓂᕐᒥᒃ, ᑯᔭᖕᓂᒃᑯᑦ ᐱᑦᑎᐊᓐᖏᑦᑐᓂᒃ, ᐅᕝᕙᓘᓐᓃᑦ ᐱᕋᔭᒍᑎᖃᖅᑐᓂᒃ ᑯᔭᖕᓂᒃᑯᑦ. ᒫᓐᓇᐅᔪᖅ, ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ ᐋᕿᒋᐊᖅᑕᖓ ᑖᓐᓇ ᐊᑐᐊᒐᖅ ᑕᐃᒪᓗ ᒪᓕᑦᑎᐊᕐᓂᐊᕐᒪᑦ ᒫᓐᓇᐅᔪᖅ ᐱᓕᕆᔾᔪᓯᐅᔪᓂᒃ ᐊᒻᒪᓗ ᓇᓗᓇᐃᖅᓯᓯᒪᖕᒥᔪᑦ ᐃᑲᔪᕈᓐᓇᖅᑐᓂᒃ ᐱᓕᕆᐊᖃᖅᖢᓂ ᐸᒡᕕᓴᐃᔪᓂᒃ ᐊᒻᒪᓗ ᓱᒃᑯᓴᐃᔪᓂᒃ.

ᐅᖃᐅᓯᕆᓕᕈᕕᒋᑦ ᑭᐅᓯᓂᖅ ᐸᒡᕕᓴᐃᔪᓂᒃ, ᓱᒃᑯᓴᐃᔪᓂᒃ, ᐱᑦᑎᐊᓐᖏᔾᔪᑎᖃᖅᑐᓂᒃ ᑯᔭᖕᓂᒃᑯᑦ, ᐸᒡᕕᓴᐃᔪᓂᒃ ᑯᔭᖕᓂᒃᑯᑦ ᐅᕝᕙᓘᓐᓃᑦ ᐱᕋᔭᒃᑐᑦ ᑯᔭᖕᓂᒃᑯᑦ:

ᑕᐃᒪᓗ ᖃᐅᔨᒪᓕᑐᐊᖅᐸᑕ ᓱᒃᑯᓴᐃᔪᓂᒃ ᐅᕝᕙᓘᓐᓃᑦ ᐸᒡᕕᓴᐃᔪᓂᒃ, ᐃᓐᓇᐃᑦ ᐅᑯᐊ ᐃᑲᔪᓲᑦ ᐅᓇᑕᖅᑐᒃᓴᕋᓛᓂᒃ ᐊᒻᒪᓗ ᔫᓂᐊ ᐅᓇᓕᒃᓴᓂᒃ ᐱᓕᕆᑎᑦᑎᔾᔪᑕᐅᔪᑎᒍᑦ ᐱᔭᒃᓴᖃᖅᑐᑦ ᐊᑐᖅᓯᑦᑎᐊᕐᓗᑎᒃ ᐱᓕᕆᓗᑎᒃ.

ᓂᕆᐅᓇᖅᑐᖅ ᐃᓐᓇᐃᑦ ᐅᔾᔨᖅᑐᖅᑏᑦ ᐱᓕᕆᓂᐊᖅᑐᑦ ᐅᑯᓂᖓ ᐊᑖᓂ ᑎᑎᕋᖅᓯᒪᔪᓂᒃ ᐊᑐᕆᐊᓕᖕᓂᒃ:

• ᖃᐅᔨᒪᑦᑎᐊᕐᓗᑎᒃ ᐊᑦᑕᕐᓇᖅᑐᒦᓐᖏᑦᑎᐊᕋᓗᐊᕐᒪᖔᖅᐱᑦ ᐊᒻᒪᓗ ᐊᑦᑕᕐᓇᖅᑐᒦᑦᑐᖃᓐᖏᒃᑲᓗᐊᕐᒪᖔᑦ ᐊᓯᖏᓐᓂᒃ ᐊᒃᑐᖅᑕᐅᔪᑦ ᐃᓅᑉ.
• ᖃᐅᔨᒪᔾᔪᑎᒋᓂᐊᖅᑕᕐᓂᒃ ᑎᑎᕋᕐᓗᑎᑦ ᑕᐃᒪᓗ ᑎᑎᕋᕐᓂᐊᓕᕈᕕᑦ ᖃᐅᔨᒪᓂᐊᕋᕕᑦ ᖃᓄᖅ ᐅᖃᕆᐊᒃᓴᖅ ᐊᒻᒪᓗ ᑭᓱᓂᒃ ᑕᑯᓚᐅᕐᒪᖔᑕ.
• ᐅᖃᐅᓯᕆᓗᒋᑦ ᓇᓕᐊᑐᐃᓐᓇᖅ ᐸᓯᒃᓯᖅᑐᑦ ᐅᕝᕙᓘᓐᓃᑦ ᑕᐃᒪᓐᓇᐅᓇᓱᒍᓐᓈᔪᑦ ᐱᕋᔭᒍᑎᖃᕋᓱᒋᓗᒋᑦ ᓈᒻᒪᒃᑐᓄᑦ ᐊᖓᔪᖅᑳᓄᑦ.
• ᑕᐃᒪᓗ ᖃᓄᐃᓕᔪᒥᒃ ᐅᖃᐅᓯᐅᔪᖃᖅᐸᑦ ᐊᖓᔪᖅᑳᓄᑦ, ᖃᐅᔨᒪᑦᑎᐊᕐᓗᑎᑦ ᐅᑯᐊ ᐊᖓᔪᖅᑳᕆᔭᑎᑦ ᑐᓴᐅᒪᑦᑎᐊᕐᒪᖔᑕ. ᐅᔾᔨᖅᑐᖅᑏᑦ ᑕᐃᒪᓐᓇᐃᓕᐅᕐᓂᐊᖅᑐᖅ ᓈᒻᒪᒃᑐᓂᒃ ᒪᓕᑦᑎᐊᕆᐊᓕᖕᓂᒃ ᐱᓕᕆᓂᐊᖅᑐᖅ, ᐊᒻᒪᓗ ᐊᑐᖅᓯᓗᓂ ᑐᓴᖅᑕᐅᒋᐊᖃᓐᖏᑦᑐᓂᒃ ᐊᒻᒪᓗ ᐊᑐᐊᒐᕐᒥᒃ. ᐅᑯᐊ ᐅᓇᑕᖅᑐᒃᓴᐃᑦ, ᑲᑎᖓᔪᑦ ᐅᕝᕙᓘᓐᓃᑦ ᐸᕿᔩᑦ ᒪᓕᒋᐊᖃᖅᑐᑦ ᐊᖏᔪᒥᒃ ᖃᓄᐃᓕᔪᖃᖅᐸᑦ ᐱᓕᕆᑎᑦᑎᔾᔪᑕᐅᔪᒧᑦ ᐊᑐᐊᒐᕐᒥᒃ, ᑕᐃᒪᓐᓇᐅᔭᕆᐊᖃᖅᑎᑕᐅᒐᒥᒃ.
• ᑕᐃᒪᓗ ᑐᓴᖅᑎᑕᐅᑦᑎᐊᑐᐊᖅᐸᑕ, ᐅᓇ ᐊᖓᔪᖅᑳᖅ ᓴᓇᔨ ᐅᕝᕙᓘᓐᓃᑦ ᓴᓇᔨᑐᐃᓐᓇᖅ ᑐᓴᖅᑎᑦᑎᒋᐊᖃᖅᑐᑦ ᐊᑖᑕᒃᑯᖏᓐᓂᒃ ᐊᓈᓇᒃᑯᖏᓐᓂᒃ ᐅᕝᕙᓘᓐᓃᑦ ᐸᕿᔨᖏᓐᓂᒃ. ᐅᓇ ᓴᓇᔨ ᑕᐃᒪᓐᓇᐅᓂᐊᖅᑐᖅ ᐅᑭᐅᑭᓗᐊᖅᑐᓄᑦ ᒪᓕᒃᓗᓂ ᐊᕐᕌᒍᖏᓐᓂᒃ ᑲᓇᑕᒥ ᐊᕕᒃᑐᖅᓯᒪᔪᑎᒍᑦ ᐅᕝᕙᓘᓐᓃᑦ ᑎᐅᓕᑐᐊᔅ ᐊᒻᒪᓗ ᓴᕿᑕᐅᓂᖓ ᖄᖏᖅᓯᓯᒪᓐᖏᒃᑲᓗᐊᕐᒪᖔᑦ ᑲᓐᖑᓇᖅᑐᓕᕆᔪᓄᑦ ᐱᖁᔭᕐᔪᐊᒥᒃ.

ᑕᐃᒪᓐᓇᐅᒐᓗᐊᖅᑎᓪᓗᒍ ᑎᑎᕋᕐᕕᒃᐳᑦ ᖃᐅᔨᓴᕈᓐᓇᓐᖏᑦᑐᖅ ᐸᓯᒡᖠᖅᑐᓂᒃ ᐱᕋᔭᒃᑐᓂᒃ, ᑐᓂᓯᕗᒍᑦ ᐃᑲᔫᑎᒃᓴᓂᒃ ᓇᓂᓯᓂᐊᕋᕕᑦ ᐃᓕᖕᓂᒃ ᐃᑲᔪᕈᓐᓇᖅᑐᑦ. ᐃᑲᔪᕈᓐᓇᕐᒥᔪᒍᑦ ᐱᑦᑎᐊᖅᑕᐅᓐᓂᓐᖏᒃᑯᕕᑦ ᐊᑐᕋᓱᒡᓗᒋᑦ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ/ᑲᓇᑕᒥ ᐅᓇᑕᖅᑐᒃᓴᐃᑦ ᐱᔨᑦᑎᕋᐅᑎᖏᓐᓂᑦ. ᐅᖃᖃᑎᒋᓗᒍ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ/ᑲᓇᑕᒥ ᐅᓇᑕᖅᑐᒃᓴᐃᑦ ᐱᓂᕐᓗᒃᑕᐅᓯᓯᒪᔪᓂᒃ ᖃᐅᔨᓴᖅᑎᑦ ᑎᑎᕋᕐᕕᖓᓄᑦ. ᑕᒫᓃᑉᐳᒍᑦ ᐃᑲᔪᕐᓂᐊᕋᑦᑕ!

ᐱᔭᕆᐅᖅᓴᐅᑎᑦ ᐅᓇᑕᖅᑐᒃᓴᕋᓛᓄᑦ 

ᐅᓇᐊᑐᖅᑕᐅᑎᑦᑎᓂᖅᐋᓐᓂᐊᖃᖅᑕᐃᓕᑎᑦᑎᓂᕐᒧᑦᐊᒻᒪᓗᐊᑦᑕᕐᓇᖅᑐᒦᑕᐃᓕᑎᑦᑎᓂᕐᒧᑦᐊᑐᖅᑕᐅᓯᒪᔪᑦᒪᓕᒃᖢᒋᑦᐱᓕᕆᑎᑦᑎᔾᔪᑕᐅᔪᖅ ᓴᓇᔭᐅᓯᒪᔪᖅ ᑲᓇᑕᒥᐅᑦ ᐅᓕᑦ ᑯᓛᔅ ᐊᐅᓕᕆᔨᑦ ᐃᑲᔪᖅᑐᑦ ᐃᓕᖕᓂᒃ ᖃᐅᔨᒪᓂᐊᕋᕕᑦ ᐃᓗᒃᑯᑦ ᐃᒃᐱᖕᓂᐊᔭᐅᓲᓂᒃ, ᐃᓅᓯᓕᕆᓂᕐᒥᒃ, ᐊᒻᒪᓗ ᐃᓘᓯᕐᒧᑦ ᐃᑲᔫᑎᑦ ᐊᑐᐃᓐᓇᐅᔪᑦ ᐃᓕᖕᓄᑦ ᐊᒻᒪᓗ ᐃᓕᓐᓂᐊᖃᑎᒋᔭᕐᓄᑦ ᓄᓇᑦᓯᓐᓂ. ᐅᓇ ᐱᓕᕆᑎᑦᑎᔾᔪᑕᐅᔪᖅ ᑐᑭᒧᐊᒃᑎᑦᑎᓂᐊᖅᑐᖅᑕᐅᖅ ᐃᓕᖕᓂᒃ ᖃᓄᖅ ᑕᐱᖃᕈᓐᓇᕐᓂᕐᒥᒃ, ᐊᑲᐅᓐᖏᓕᐅᖅᑐᓂᒃ ᓄᖃᖅᑎᑦᑎᓂᖅ, ᐊᒻᒪᓗ ᐃᑲᔪᓐᓇᖅᑐᓄᑦ ᐃᑲᔪᖅᑕᐅᔪᒪᓂᖅ.

ᐊᑐᖅᑕᐅᑎᑦᑎᓂᖅ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᒦᑕᐃᓕᑎᑦᑎᓂᕐᒧᑦ ᐊᑐᖅᑕᐅᓯᒪᔪᑦ ᒪᓕᒃᖢᒋᑦ ᐅᓇ ᐊᑐᖅᓯᓲᖅ ᐃᓱᒪᒃᑯᑦ ᒪᒥᓴᐅᑎᑦ ᐱᒋᐊᕈᑎᒋᓪᓗᒍ (ᓲᕐᓗ ᑕᑯᓗᒍ-ᓈᓚᒡᓗᒍ-ᐱᑐᒡᓗᒍ-ᐃᓅᓯᕆᓗᒍᔪ ᐃᑲᔫᑎᓂᐊᖅᑐᑦ ᐃᓕᖕᓂᒃ ᐅᖃᖃᑎᒌᒍᑎᒋᓗᒋᑦ ᐊᒻᒪᓗ ᖃᐅᔨᓇᓱᑦᑎᐊᕐᓗᒍ ᖃᓄᐃᓕᖓᓂᖓ ᖃᐅᔨᓂᐊᕋᕕᑦ ᖃᓄᖅ ᑭᖑᓪᓕᕐᒥᒃ ᐱᒋᐊᕈᓐᓇᕐᒪᖔᖅᐱᑦ ᐃᑲᔫᑎᓂᒃ. ᐅᓇ ᒪᓕᒐᖅᑎᒍᑦ ᐊᑐᕆᐊᖃᖅᑎᑕᐅᔪᖅ ᐱᔭᕆᐅᖅᓴᐅᑎ ᐊᑐᖅᑕᐅᓲᖅ ᑲᓇᑕᒥ ᐅᓕᐊᑦ ᑯᓛᔅ ᐊᐅᓕᕆᔨᑦ ᐃᓱᒪᒧᑦ ᐋᓐᓂᐊᖃᖅᑕᐃᔨᑎᑦᑎᓂᕐᒧᑦ ᑐᓐᖓᔾᔪᑕᐅᓪᓗᓂ. ᐅᑯᐊ ᑐᓐᖓᔾᔪᑎᑦ ᒪᓕᒃᑐᑦ ᓴᕿᑕᐅᓯᒪᔪᓂᒃ ᑲᑎᖓᑦᑎᐊᖅᑎᑦᑎᓂᕐᒧᑦ ᐃᓕᖕᓄᑦ ᐊᒻᒪᓗ ᐃᓕᓐᓂᐊᖃᑎᖕᓄᑦ ᓱᑰᖅᑕᐅᓐᖏᓪᓗᑎᒃ.

ᐊᑐᖅᑕᐅᑎᑦᑎᓂᖅ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᒦᑕᐃᓕᑎᑦᑎᓂᕐᒧᑦ ᐊᑐᖅᑕᐅᓯᒪᔪᑦ ᒪᓕᒃᖢᒋᑦ ᑐᓂᓯᕙᒃᑐᑦ ᐃᓕᖕᓄᑦ ᓴᓇᕐᕈᑎᓂᒃ ᐃᓕᐃᓕᖓᓂᐊᕋᕕᑦ:

• ᖃᓄᐃᓕᐅᕈᑎᒋᔭᑎᑦ ᐱᐅᓗᑎᑦ ᐊᓯᖕᓄᑦ,
• ᐊᑦᑕᕐᓇᖅᑐᒦᑦᑕᐃᓕᒪᓗᑎᑦ ᓵᑦᑎᓯᒪᓕᕈᕕᑦ ᐅᓗᕆᐊᓇᖅᑐᓂᒃ ᐊᒻᒪᓗ ᐊᒃᑕᕐᓇᖅᑐᓂᒃ,
• ᐃᓕᓴᕆᓗᒋᑦ ᓈᒻᒪᓐᖏᑦᑐᑦ ᐊᒻᒪᓗ ᐅᓗᕆᐊᓇᖅᑐᓂᒃ ᐃᓕᖁᓯᖃᖅᑐᑦ, ᐊᒻᒪᓗ
• ᕿᓂᕈᓐᓇᕐᓗᑎᑦ ᐃᑲᔪᕈᓐᓇᖅᑐᒥᒃ ᐊᑐᐃᓐᓇᐅᔪᓂᒃ ᐃᑲᔫᑎᓂᒃ ᑭᓐᖑᒪᓇᖅᓯᒑᖓᑕ.

ᐃᓚᒋᓪᓗᒍᑦ ᐃᕝᕕᑦ ᓯᕗᓪᓕᖅᐹᑦ ᐊᑐᖅᑕᐅᑎᑦᑎᓂᖅ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᒦᑕᐃᓕᑎᑦᑎᓂᕐᒧᑦ ᐊᑐᖅᑕᐅᓯᒪᔪᑦ ᒪᓕᒃᖢᒋᑦ ᐃᓕᑕᑎᑦ ᐊᕐᕌᒍᒥ, ᐋᕿᒃᓯᓯᒪᓕᕐᓂᐊᖅᑐᑎᑦ ᓇᖕᒥᓂᖅ ᐸᕐᓇᐅᑎᖕᓂᒃ ᐊᒻᒪᓗ ᐃᑲᔪᖅᑎᒃᓴᕐᓂᒃ. ᐅᓇ ᐊᑦᑕᕐᓇᖅᑐᒦᑕᐃ ᐸᕐᓇᐅᑏᑦ ᐃᓚᖃᕈᓐᓇᖅᑐᑦ ᖃᓄᖅ ᐱᔭᕆᐊᖃᖅᑕᑎᑦ ᐃᑲᔪᕆᐊᖃᕈᕕᑦᑕᐅᖅ ᑭᒃᑯᓂᑦ ᐊᒻᒪᓗ ᖃᓄᖅ ᐅᖃᕐᕕᒋᔪᓐᓇᖅᑕᑎᑦ ᑖᒃᑯᐊ ᑖᔅᓱᒧᖓ ᐃᑲᔪᕈᓐᓇᖅᑐᑦ.

ᐱᔭᕆᐅᖅᓴᐅᑎᑦ ᓯᕗᓕᐅᖅᑎᓄᑦ

ᐅᓇᑕᖅᑐᒃᓴᕋᓛᓄᑦ ᐃᓕᓴᐃᔨᑦ ᑲᑐᔾᔨᖃᑎᒌᑦ ᓴᓇᔨᖏᑦ, ᐅᓇᑕᖅᑐᒃᓴᖅ ᐊᒻᒪᓗ ᐃᓐᓇᖅ ᐃᖅᑲᓇᐃᔭᖅᑎ ᐃᑲᔪᖅᑐᑦ ᑕᒪᑐᒥᖓ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᖃᑎᒌᑦ ᐱᓕᕆᑎᑦᑎᔾᔪᑕᐅᔪᓂᒃ ᐱᔭᕆᐅᖅᓴᓯᒪᔪᑦ ᐅᓂᒃᑳᓕᐅᕐᓂᕐᒥᒃ ᐊᒻᒪᓗ ᖃᓄᖅ ᑭᐅᓯᔭᕆᐊᖃᕐᓂᕐᒥᒃ. ᑕᐃᒪᓐᓇᐅᖕᒪᑦ, ᖃᐅᔨᒪᕗᑦ ᐱᐅᓯᕐᓂᒃ ᒪᓕᒋᐊᖃᖅᑐᓂᒃ ᑭᓇᑐᐃᓐᓇᖅ ᐊᒃᑐᖅᑕᐅᒃᐸᑦ ᓈᒻᒪᓐᖏᑦᑐᓂᑦ ᑯᔭᖕᓂᕐᒧᑦ, ᐸᒡᕕᓴᐃᓂᕐᒧᑦ ᑯᔭᖕᓂᒃᑯᑦ, ᐱᕋᔭᐅᑎᑦ ᑯᔭᖕᓂᒃᑯᑦ, ᐸᒡᕕᓴᐃᓂᖅ, ᐅᕝᕙᓘᓐᓃᑦ ᓱᒃᑯᓴᐃᓂᖅ.

ᐃᓕᑦᑎᒃᑲᓐᓂᕈᓐᓇᖅᑐᑎᑦ ᑐᑭᓯᓇᓱᑦᑎᐊᕐᓗᑎᑦ ᖃᕆᓴᐅᔭᖃᕐᕕᒃᑯᑦ ᑖᒃᑯᐊ ᓯᕗᓕᐅᖅᑎᑦ ᐱᓕᕆᑎᑦᑎᔾᔪᑕᐅᔪᓄᑦ.

ᐊᓯᖏᑦᑕᐅᖅ ᐃᑲᔪᕈᓐᓇᖅᑐᑦ 

• ᐃᑲᔫᑎᑦ ᐃᑲᔪᖅᓯᒍᓐᓇᖅᑐᓄᑦ ᐅᓇᑕᖅᑐᒃᓴᕋᓛᕐᓄᑦ, ᔫᓂᐊ ᐅᓇᓕᒃᓴᐃᑦ, ᐊᒻᒪᓗ ᐃᓐᓇᐃᑦ ᐃᖅᑲᓇᐃᔭᖅᑎᑦ: ᐅᓇ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐱᓕᕆᖃᑎᒌᑦ ᖃᕆᓴᐅᔭᖃᕐᕕᒃ ᑐᓂᓯᓯᒪᔪᖅ ᒫᓐᓇ ᐃᑲᔫᑎᒃᓴᖏᓐᓂᒃ ᐅᓇᑕᖅᑐᒃᓴᕋᓛᕐᓄᑦ, ᔫᓂᐊ ᐅᓇᓕᒃᓴᐃᑦ, ᐊᒻᒪᓗ ᐃᓐᓇᐃᑦ ᓯᕗᓕᐅᖅᑎᑦ ᐅᑯᐊ ᐃᑲᔪᕆᐊᖃᖅᑐᑦ ᐊᒻᒪᓗ ᐃᑲᔫᑎᒃᓴᓄᑦ. https://www.canada.ca/en/department-national-defence/services/cadets-junior-canadian-rangers/support-resources-for-cadets-junior-canadian-rangers-and-adult-staff.html
• ᓄᑕᖃᑦ ᐃᑲᔪᖅᑕᐅᔪᒪᔪᓄᑦ ᐅᖃᓘᑎ ᓄᓇᓕᖕᓂᑦ ᐱᔨᑦᑎᕋᐅᑎᑦ ᐅᑯᐊ ᐃᑲᔪᕈᓐᓇᖅᑐᑦ ᒪᒃᑯᒃᑐᓂᒃ 24 ᐃᑲᕐᕋᓄᑦ ᐅᓪᓗᓕᒫᖅ, 7 ᐅᓪᓗᐃᑦ ᐱᓇᓱᐊᕈᓯᓕᒫᖅ. ᐅᖃᕐᕕᒋᓗᒋᑦ ᐅᕘᓇ ᐅᖃᓗᒡᓗᑎᑦ 1-800-668-6868 ᐅᕝᕙᓘᓐᓃᑦ ᑎᑎᕋᕐᓗᑎᑦ ᐅᖃᓘᑎᕋᓛᒃᑯᑦ 686868. ᐅᖃᐅᓯᕆᔪᓐᓇᓐᖏᒃᑯᖕᓂ, ᑎᑎᕋᕐᓗᒍ ᐅᖃᓘᑎᕋᓛᒃᑯᑦ. - ᓄᑕᖃᑦ ᐃᑲᔪᖅᑕᐅᔪᒪᔪᓄᑦ ᐅᖃᓘᑎ
• ᐅᓇᑲᓇᑕᐅᑉ ᐅᓇᑕᖅᑐᒃᓴᖓᓄᑦ ᐃᑲᔫᑎᑦ ᐱᓕᕆᑎᑦᑎᔾᔪᑕᐅᔪᑦ ᐅᓇ ᐊᓯᑦᑎᓐᓂᑦ ᑐᓴᖅᑕᐅᔮᓐᖏᑦᑐᑦ ᐅᖃᐅᓯᐅᔪᑦ, ᐊᑭᖃᓐᖏᑦᑐᖅ ᐊᑐᐃᓐᓇᐅᔪᖅ 24 ᐃᑲᕐᕋᓄᑦ ᐅᓪᓗᓕᒫᖅ, 7 ᐅᓪᓗᐃᑦ ᐱᓇᓱᐊᕈᓯᓕᒫᖅ. ᑲᓇᑕᐅᑉ ᐅᓇᑕᖅᑐᒃᓴᖓᓄᑦ ᐃᑲᔫᑎᑦ ᐱᓕᕆᑎᑦᑎᔾᔪᑕᐅᔪᑦ ᐃᓄᓕᕆᔨᖃᖅᑐᑦ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ. ᐅᖃᓗᒡᓗᑎᑦ ᑲᓇᑕᐅᑉ ᐅᓇᑕᖅᑐᒃᓴᖓᓄᑦ ᐃᑲᔫᑎᑦ ᐱᓕᕆᑎᑦᑎᔾᔪᑕᐅᔪᑦ ᐅᓇ 1-800-268-7708.
• ᖁᓄᔪᕐᓂᐊᖅᑕᐅᓯᒪᔪᑦ ᐱᑦᑎᐊᖅᑕᐅᓯᒪᓐᖏᑦᑐᑦ ᐃᑲᔪᖅᑕᐅᕕᖓ ᐊᒻᒪᓗ ᐃᑲᔫᑎᒃᓴᑦ: ᖁᓄᔪᕐᓂᐊᖅᑕᐅᓯᒪᔪᑦ ᐱᑦᑎᐊᖅᑕᐅᓯᒪᓐᖏᑦᑐᑦ ᐃᑲᔪᖅᑕᐅᕕᖓ ᐊᒻᒪᓗ ᐃᑲᔫᑎᒃᓴᑦ ᐃᑲᔪᓲᑦ ᐱᔨᑦᑎᕋᖅᖢᒋᑦ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐅᑭᐅᖃᖅᑐᑦ 16-ᒥᑦ 18-ᒧᑦ ᐊᒻᒪᓗ ᒫᓐᓇ ᐱᓇᓱᐊᖅᑐᑦ ᐊᒻᒪᓗ ᐱᓇᓱᐊᕐᓂᒃᑯᑦ ᑲᓇᑕᒥ ᐅᓇᑕᖅᑐᒃᓴᓂ ᐊᒻᒪᓗ ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᓂ ᒐᕙᒪᒃᑯᓂ ᐃᖅᑲᓇᐃᔭᖅᖢᑎᒃ ᐊᒃᑐᖅᑕᐅᓯᒪᔪᑦ ᖁᓄᔪᓐᓂᐊᕐᓂᕐᒧᑦ ᐱᑦᑎᐊᖅᑕᐅᓯᒪᓐᖏᑦᑐᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᑕᒪᕐᒥᒃ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᑐᑭᒧᐊᒃᑎᑕᐅᔪᒪᔪᓐᓇᖅᑐᑦ ᐊᒻᒪᓗ ᐅᖃᐅᑎᔭᐅᑦᑎᐊᕐᓗᑎᒃ. ᐅᓇ ᐅᖃᓘᑖ ᖁᓄᔪᕐᓂᐊᖅᑕᐅᓯᒪᔪᑦ ᐱᑦᑎᐊᖅᑕᐅᓯᒪᓐᖏᑦᑐᑦ ᐃᑲᔪᖅᑕᐅᕕᖓ ᐊᒻᒪᓗ ᐃᑲᔫᑎᒃᓴᑦ 1-844-750-1648. https://www.canada.ca/en/department-national-defence/services/benefits-military/health-support/sexual-misconduct-response.html
• ᑲᓇᑕᒥ ᐅᓇᑕᖅᑐᒃᓴᓕᕆᔨᒃᑯᑦ ᐊᑲᐅᓐᖏᓕᐅᕆᔪᓄᑦ ᐋᕿᒃᓯᔪᓐᓇᖅᑐᖅ ᐊᒻᒪᓗ ᐱᔨᑦᑎᕋᐅᑎᖃᖅᑐᑦ: ᑕᒪᕐᒥᒃ ᐅᓇᑕᖅᑐᒃᓴᐃᑦ ᐱᓕᕆᖃᑎᒌᑦ ᐅᖃᓪᓚᒍᓐᓇᖅᑐᑦ ᐊᑲᐅᓂᓐᖏᓕᐅᕆᔪᓄᑦ ᐋᕿᒃᓯᔪᓐᓇᖅᑐᓄᑦ ᐊᒻᒪᓗ ᐱᔨᑦᑎᕋᐅᑎᓄᑦ ᐃᑲᔪᖅᑕᐅᔪᒪᓗᑎᒃ ᐊᒻᒪᓗ ᐃᑲᔫᑎᑕᖃᖅᑐᖅ ᑐᓂᓯᓗᓂ, ᒪᓕᒃᓗᒋᑦ, ᐊᒻᒪᓗ ᐋᕿᒃᓱᕐᓗᒋᑦ ᐅᖃᐅᓯᐅᓯᒪᔪᑦ ᐱᓂᕐᓗᐃᔪᕕᓃᑦ. ᐃᖅᑲᐃᔭᖅᑎᑦ ᐃᑲᔪᓲᑦ ᐅᓇᑕᖅᑐᒃᓴᕋᓛᑦ ᐊᒻᒪᓗ ᔫᓂᐊ ᐅᓇᓕᒃᓴᐃᑦ ᐃᓗᐊᖏᓕᐅᕆᔪᖃᖅᑎᓪᓗᒍ ᐅᖃᓪᓚᒍᓐᓇᖅᑐᑦ ᐃᖅᑲᓇᐃᔭᖅᑎᓄᑦ ᐊᑲᐅᓐᖏᓕᐅᕆᔪᓄᑦ ᐋᕿᒃᓯᔪᓐᓇᖅᑐᖅ ᐊᒻᒪᓗ ᐱᔨᑦᑎᕋᐅᑎᖃᖅᑐᑦ ᑐᑭᓯᑎᑕᐅᔪᒪᓗᑎᒃ, ᐊᔪᕆᖅᓱᖅᑕᐅᔪᒪᓗᑎᒃ, ᐊᒻᒪᓗ ᐃᑲᔪᖅᑕᐅᔪᒪᓗᑎᒃ. https://www.canada.ca/en/department-national-defence/services/benefits-military/conflict-misconduct/integrated-conflict-complaint-management.html