Mga pansamantalang dayuhang manggagawa: Protektado ang iyong mga karapatan

Inilaan ang gabay na ito para sa mga pansamantalang dayuhang manggagawa (travailleurs étrangers temporaires) na na-hire sa trabaho sa ilalim ng Programa para sa Pansamantalang Dayuhang Manggagawa (Programme des travailleurs étrangers temporaires, Programme des TET). Para sa impormasyon tungkol sa mga karapatan bilang mga pansamantalang dayuhang manggagawa na na-hire sa ilalim ng International Mobility Program, bisitahin ang Kilalanin ang iyong mga karapatan.

Sa page na ito

Ang iyong mga karapatan
Ang iyong kasunduan sa trabaho
Access sa mga serbisyo sa pangangalagang pangkalusugan
- Panlalawigan o teritoryal na health care insurance
- Pribadong health insurance
Kung nasugatan o nagkasakit ka sa iyong lugar ng trabaho
Kalusugan at kaligtasan sa trabaho
Lugar ng trabaho na malaya mula sa pang-aabuso
Kung nawalan ka ng trabaho
Pagpapalit ng mga employer
Mga karapatan sa pabahay
Paano makakuha/humingi ng tulong

Mga alternatibong format

Mga pansamantalang dayuhang manggagawa: Protektado ang iyong mga karapatan [PDF - 240 KB]

Ang iyong mga karapatan

Sa Canada, ang mga karapatan ng lahat ng manggagawa, kabilang ang mga pansamantalang dayuhang manggagawa, ay protektado ng batas. Kung ikaw ay isang pansamantalang dayuhang manggagawa, ang iyong mga karapatan at proteksyon ay pareho ng para sa mga Canadian at permanenteng residente.

Dapat gawin ng iyong employer ang sumusunod:

bigyan ka ng impormasyon tungkol sa iyong mga karapatan sa o bago magsimula ang unang araw ng trabaho. Available ang sumusunod na gabay sa maraming wika
bigyan ka ng nilagdaang kopya ng iyong kasunduan sa trabaho sa o bago ang unang araw ng trabaho, sa opisyal na wika ng Canada na pinili mo (wikang Pranses o Ingles)
irespeto ang iskedyul ng trabaho at bayaran ka para sa trabaho mo ayon sa nakasaad sa iyong kasunduan sa trabaho, kabilang ang bayad sa pag-o-overtime at iba pang napagkasunduang bayarin gaya ng may bayad na bakasyon
gumawa ng makatuwirang pagsisikap upang mabigyan ka ng lugar ng trabaho na walang pang-aabuso (pasalita, pisikal, sekswal, at pinansyal na pang-aabuso, pati na rin harassment at mga paghihiganti)
sumunod sa mga batas sa kalusugan at kaligtasan ng probinsya o teritoryo kung saan ka nagtatrabaho
magbigay ng karagdagang benepisyo, kung nakasaad sa kasunduan sa trabaho, at magbayad para sa pribadong health insurance na sumasaklaw sa iyong pang-emergency na medikal na pangangalaga hanggang ikaw ay eligible para sa panlalawigan o teritoryal na saklaw ng health insurance (tingnan ang seksyon ng Access sa mga serbisyo sa pangangalagang pangkalusugan para sa mga eksepsiyon)
gumawa ng makatuwirang pagsisikap upang mabigyan ka ng access sa mga serbisyo sa pangangalagang pangkalusugan kung ikaw ay masugatan o magkasakit sa lugar ng trabaho

Ang iyong employer:

pilitin kang magsagawa ng delikado/hindi ligtas na trabaho
ipagawa sa iyo ang trabahong hindi bahagi ng okupasyong nakasaad sa iyong kasunduan sa trabaho
puwersahin kang magtrabaho kung ikaw ay may sakit o nasugatan
pilitin o pwersahin kang mag-overtime na hindi kasama sa iyong kasunduan sa trabaho o hindi ninyo napagkasunduan
parusahan ka dahil sa pagrereport ng hindi magandang pagtrato, delikado/hindi ligtas na trabaho, hindi sapat na pabahay, o dahil sa pakikipagtulungan sa isang empleyado ng gobyerno na nagsasagawa ng inspeksyon
parusahan ka dahil sa pagsali sa unyon o sa pakikilahok sa mga legal na gawain ng unyon
kunin o ipagkait ang iyong mga personal na dokumento (pasaporte, work permit, social insurance number [SIN], health card, bank card, atbp.)
ipa-deport ka mula sa Canada o baguhin ang iyong katayuan sa imigrasyon (immigration status)
pagbayarin ka para makuha o mapanatili ang iyong trabaho, o ipa-reimburse ang anumang bayarin sa recruitment na maaaring binayaran nila para sa kasalukuyan mong posisyon. Kailangan mo lang bayaran ang iyong work permit, medical exam, at biometrics (kung kinakailangan)

Ang iyong kasunduan sa trabaho

Sa o bago ang iyong unang araw ng trabaho, dapat kang bigyan ng iyong employer ng isang kopya ng iyong kasunduan sa trabaho. Dapat nasa wikang Ingles o Pranses ito (ang iyong piniling opisyal na wika habang nasa Canada). Dapat tumukoy ang kasunduan sa trabaho sa parehong trabaho/okupasyon, suweldo, at mga kondisyon sa pagtatrabaho gaya ng nakabalangkas sa inaprubahang évaluation de l'impact sur le marché du travail (EIMT). Kung tama ang lahat ng impormasyon at tinatanggap mo ang mga tuntunin ng trabaho, kailangan ninyong pirmahan ng iyong employer ang kasunduan at magtago ng tig-iisang kopya.

Access sa mga serbisyo sa pangangalagang pangkalusugan

Hindi mo kailangan ang pahintulot ng iyong employer para magpagamot o maghanap ng serbisyong pangkalusugan. Sa karamihan ng mga kaso, hindi mo kailangang magbayad upang magpatingin sa doktor o para sa ospital na pangangalaga sa Canada.

Panlalawigan o teritoryal na health care insurance

Kung kwalipikado ka, magkakaroon ka ng access sa libreng serbisyo sa pangangalagang pangkalusugan sa ilalim ng health insurance system ng lalawigan o teritoryo kung saan ka nagtatrabaho. Gayunman, sa unang pagdating mo sa Canada, maaaring abutin ng ilang panahon bago ka masaklaw ng health insurance system ng lalawigan o teritoryo. Hilingin sa iyong employer na tulungan kang i-set up ang iyong health insurance coverage ayon sa mga kinakailangan ng iyong lalawigan o teritoryo.

Pribadong health insurance

Kung may panahon na hindi ka saklaw ng panlalawigan o teritoryal na health insurance kung saan ka nagtatrabaho, dapat kumuha at magbayad ang iyong employer ng pribadong health insurance para sa iyo na sumasaklaw sa pang-emergency na medikal na pangangalaga. Hindi maaaring kaltasan ng iyong employer ang iyong suweldo para sa anumang halaga para sa pribadong health insurance na ito.

Hindi ito naaangkop sa iyo kung isa kang seasonal na agricultural worker mula sa Mexico o sa Caribbean dahil ang health insurance ay kasama na sa mga kasunduan ng mga bansang ito sa Canada.

Kung nasugatan o nagkasakit ka sa iyong lugar ng trabaho

Ipaalam sa iyong superbisor o employer sa lalong madaling panahon at magpagamot sa lalong madaling panahon. Dapat makatwirang pagsikapan ng iyong employer na magbigay ng access sa tagapagbigay ng serbisyo sa pangangalagang pangkalusugan (tulad ng isang doktor, nars, o pharmacist) sa pamamagitan ng, halimbawa:

pagbibigay sa iyo ng time off upang humingi ng medikal na atensyon
pagtiyak na may teleponong available upag makatawag para humingi ng mga serbisyong pang-emergency
pagbibigay sa iyo ng impormasyon kung ano ang dapat gawin at saan dapat pumunta upang makakuha ng serbisyo sa pangangalagang pangkalusugan
pagtulong sa iyo na makakuha ng transportasyon papunta sa tagapagbigay ng serbisyo sa pangangalagang pangkalusugan

Hindi nire-require ang iyong employer na magbayad para sa iyong transportasyon upang magpunta sa isang ospital, klinika, doktor, o iba pang serbisyo sa pangangalagang pangkalusugan. Tingnan ang seksyon na Pribadong health insurance para sa mga eksepsiyon ng mga seasonal agricultural worker.

May karapatan kang makipag-usap nang pribado sa isang tagapagbigay ng serbisyo sa pangangalagang pangkalusugan, nang wala ang iyong employer.

Kalusugan at kaligtasan sa trabaho

Hindi ka maaaring puwersahin ng iyong employer na gumawa ng trabaho na sa palagay mo ay delikado o peligroso. Hindi ka nila puwedeng tanggalin sa trabaho o hindi bayaran dahil sa iyong pagrereport tungkol sa delikado/hindi ligtas na kondisyon sa trabaho o tumanggi kang gawin ang delikado/hindi ligtas na trabaho. Dapat siyasatin ng iyong employer ang anumang peligro na nireport sa lugar ng trabaho.

May karapatan kang tumangging gawin ang trabaho hanggang magkasundo kayo ng iyong employer na:

tinanggal ang peligro
natanggap mo na ang tamang kagamitan at pagsasanay
wala na ang problema

Dapat gawin ng iyong employer ang sumusunod:

sumunod sa mga batas sa kalusugan at kaligtasan ng probinsya o teritoryo kung saan ka nagtatrabaho
sanayin ka upang magawa ang iyong trabaho nang ligtas, kabilang ang kung paano ligtas na gamitin/patakbuhin ang anumang kagamitan o makinarya
bigyan ka ng personal protective equipment (PPE) at angkop na pagsasanay kung kinakailangan sa iyong trabaho na gumamit ng mga pesticide/kemikal na produkto. Kung nagtatrabaho ka sa Northwest Territories, Nunavut, Quebec, o Saskatchewan, dapat magbigay ang iyong employer ng PPE nang walang bayad. Sa ibang mga probinsya, nagkakaiba-iba ito. Tingnana ang Sino ang magbabayad para sa PPE? para sa karagdagang impormasyon

Karamihan sa lalawigan at teritoryo ay nag-aalok ng mga benepisyo para sa kompensasyon ng mga manggagawa (mga bayad para sa nawawalang suweldo) kapag nasugatan o nagkasakit ang mga manggagawa dahil sa kanilang trabaho.

Labag sa batas para sa iyong employer na pigilan ka sa paghahain ng claim para sa kompensasyon ng mga manggagawa
Sa ilang lalawigan at teritoryo, ang mga employer ay dapat kumuha at magbayad para sa insurance sa kaligtasan sa lugar ng trabaho. Hindi dapat kaltasan ng iyong employer ang iyong suweldo para rito
Kung ikaw at ang iyong employer ay hindi nagkakasundo tungkol sa isyu ng kalusugan at kaligtasan, ireport ang sitwasyon sa iyong kinatawan ng unyon kung naaangkop at/o sa tanggapan ng kalusugan at kaligtasan sa lugar ng trabaho sa iyong lalawigan o teritoryo (tingnan ang seksyon na Pagrereport ng problema sa kalusugan o kaligtasan sa lugar ng trabaho)

Lugar ng trabaho na malaya mula sa pang-aabuso

Dapat makatwirang pagsikapan ng mga employer na magbigay ng isang lugar ng trabaho na malaya mula sa pang-aabuso. Ang iyong employer o ang sinumang kumikilos para sa kanya (halimbawa, ang iyong superbisor) ay hindi maaaring abusuhin ka sa pisikal, sekswal, sikolohikal, o pinansyal na paraan.

Kabilang sa pang-aabuso ang mga paghihiganti (mga parusa) tulad ng mga aksyon o pagbabanta na ide-demote, didisiplinahin, o idi-dismiss ka dahil inireport mo na hindi sumusunod ang iyong employer. Anumang pag-uugali ng pananakot, pagkontrol, o pag-isolate sa iyo ay maaaring pang-aabuso.

Ilang halimbawa ng pang-aabuso:

pisikal na pananakit
mga pagbabanta, pang-iinsulto, pambu-bully
kapag pinuwersa kang magtrabaho sa isang paraang delikado/hindi ligtas, o mapanganib sa iyong kalusugan
hindi kanais-nais na sekswal na paghipo
paghingi ng sekswal na pabor upang mapanatili mo ang iyong trabaho o makabalik sa susunod na taon
pagkontrol sa kung saan ka maaaring pumunta o kung sino ang maaari mong makita
pagnanakaw sa iyo
pagkuha ng anuman o lahat ng perang dapat ibayad sa iyo
pagkuha at pagtangging isauli ang iyong pasaporte, work permit, o iba pang pagkakakilanlan
kapag pinuwersa kang mandaya
pagtanggal sa iyo sa trabaho, pagbabanta, o pagdidisiplina sa iyo dahil nagreklamo ka tungkol sa iyong mga kondisyon sa pagtatrabaho o pang-aabuso, o dahil lumahok ka sa isang inspeksyon ng isang empleyado ng pamahalaan
pagtanggal sa iyo sa trabaho, pagpapaalis o pagbabanta na paalisin ka sa Canada dahil ikaw ay buntis, o pagpilit sa iyo na magpalaglag

Upang ireport ang isang mapang-abusong sitwasyon, makipag-ugnayan sa kumpidensyal na tip line ng Service Canada sa 1-866-602-9448 o gamitin ang le formulaire en ligne. Makakatulong sa iyo ang iyong consulate, isang organisasyong sumusuporta sa mga migranteng manggagawa, o sinumang pinagkakatiwalaan mo na gumawa ng report.

Bisitahin ang Paano magreport ng pang-aabuso sa mga pansamantalang dayuhang manggagawa para sa karagdagang impormasyon.

Kung kailangan mo ng agarang tulong, tumawag sa 9-1-1 o sa iyong lokal na pulisya.

Kung nawalan ka ng trabaho

Dapat magbigay ang iyong employer ng makatwirang abiso bago ka ma-lay off. Kung hindi nila gagawin iyon, baka kailangan ka nilang bayaran ng termination pay. Ang halaga ay nakabatay sa kung gaano ka na katagal nagtatrabaho at kung saang lalawigan o teritoryo ka nagtatrabaho. Tingnan ang seksyon na Pagrereport ng iba pang problema sa trabaho sa mga website ng pamantayan sa trabaho ng mga lalawigan at teritoryo.

Kung nawalan ka ng trabaho at hindi mo ito kasalanan, o kung umalis ka sa iyong trabaho dahil ikaw ay inaabuso, maaaring kwalipikado kang makatanggap ng mga benepisyo sa Employment Insurance (EI).

Para sa impormasyon tungkol sa EI, bisitahin ang page ng mga regular na benepisyo ng EI. Kung hindi mo ma-access ang mga serbisyo online, maaari kang makipag-ugnayan sa Centre d'appui aux services mobiles de Service Canada upang makatanggap ng tulong mula sa isang kinatawan ng Service Canada nang walang bayad sa 1-877-631-2657.

Pagpapalit ng mga employer

Maaari kang magpalit ng mga employer. Gayunpaman, ang work permit na nakapangalan sa isang partikular na employer ay nagbibigay-daan lamang sa iyo na magtrabaho para sa employer na nakasaad sa iyong work permit. Kailangan mong mag-apply para sa isang bagong permis de travail para makapagtrabaho sa ibang employer. Dapat din kumuha ang iyong bagong employer ng permiso mula sa Pamahalaan ng Canada upang i-hire ka bilang isang pansamantalang dayuhang manggagawa. Kailangan nilang magkaroon ng valid na EIMT.

Kung isa kang agricultural worker sa ilalim ng Programme des travailleurs agricoles saisonniers (PTAS), maaaring makapagpalit ka ng mga employer nang hindi kumukuha ng isang panibagong work permit. Para malaman kung isa kang PTAS worker, tingnan ang iyong work permit: ang mga salitang "Employeur MEX/CCSAWP approuvé uniquement" na nakasulat sa ibabang bahagi ng pangungusap. Tingnan ang iyong pinirmahang kontrata sa trabaho upang malaman kung paano makukumpleto ang iyong paglilipat sa pagitan ng mga employer sa ilalim ng PTAS.

Kung nagpalit ka ng trabaho nang hindi sinusunod ang mga hakbang sa itaas, maaaring nagtratrabaho ka nang walang awtorisasyon. Basahin nang mabuti ang iyong work permit. Inilalahad nito ang lahat ng kondisyon para sa pagtatrabaho sa Canada. Kung hindi mo matutugunan ang mga kondisyon, maaari kang paalisin sa Canada.

Maaari mong gamitin ang Government of Canada Guichet-Emplois para maghanap ng mga trabaho mula sa mga Canadian employer na nais mag-hire ng mga pansamantalang dayuhang manggagawa. Nakasaad sa job posting kung ang employer ay nag-apply na o nakatanggap na ng positibong EIMT. Kailangan ito ng employer upang makapag-hire ng isang pansamantalang dayuhang manggagawa.

Mga karapatan sa pabahay

Mga manggagawa sa ilalim ng PTAS

Kung nagtatrabaho ka sa ilalim ng PTAS, dapat kang bigyan ng iyong employer ng sapat at angkop na pabahay nang walang kang babayaran (maliban sa British Columbia kung saan maaaring kaltasan ng mga employer ang iyong suweldo para sa mga tirahan). Lahat ng kaltas sa suweldo ay dapat nakalista sa pinirmahang kontrata sa trabaho para sa Mexico o Caribbean.

Mga manggagawa sa agricultural stream sa ilalim ng primary agriculture

Kung isa kang manggagawang na-hire sa ilalim ng agricultural stream, dapat kang bigyan ng iyong employer ng sapat, angkop, at abot-kayang on-farm o off-site na pabahay. Maaaring magkaltas ang iyong employer ng hanggang $30.00 bawat linggo. Para sa mga partikular na uri ng posisyon, maaari silang magkaltas ng hanggang 30% ng iyong kabuuang buwanang kita para sa off-farm na pabahay. Kasama sa kinakaltas na ito ang perang ibinabawas sa iyong suweldo para sa upa at anumang bayad sa kuryente, fuel, tubig, at iba pang serbisyo na ibinibigay ng lokal na pamahalaan.

Mga manggagawa sa posisyong pang-agrikultura na may mababang suweldo sa ilalim ng primary agriculture

Kung isa kang manggagawa sa isang posisyong pang-agrikultura na may mababang sahod, dapat tiyakin ng iyong employer na may angkop at abot-kayang pabahay na available o mailalaan sa iyo. Kung ang iyong employer ang nagbibigay sa iyo ng pabahay, maaari nilang ikaltas ang pera mula sa iyong suweldo para sa upa at anumang bayad sa kuryente, fuel, tubig, at iba pang serbisyo ng lokal na pamahalaan. Ang kaltas na ito ay dapat mas mababa sa 30% ng iyong kabuuang buwanang kita.

Mga manggagawa sa posisyong pang-agrikultura na may mataas na suweldo sa ilalim ng primary agriculture

Kung isa kang manggagawa sa isang posisyong pang-agrikultura na may mataas na suweldo, maaari kayong magkasundo ng iyong employer sa mga arrangement na pareho ninyong napagkasunduan.

Sapat na pabahay

Ang lugar kung saan ka nakatira ay dapat sumunod sa mga batas ng lalawigan/teritoryo at munisipalidad, kabilang ang:

maging ligtas (walang mga panganib, peste at amag)
hindi overcrowded
nasa mabuting kondisyon at pinoprotektahan ka laban sa lagay ng panahon
may gumaganang fire extinguisher at mga smoke detector
may maayos na bentilasyon
may mga gumaganang toilet, lababo para sa paghuhugas ng kamay, at shower na maayos na gumagana at nagbibigay ng privacy
may tuloy-tuloy na supply ng mainit at malamig na inuming tubig

Kung may problema sa iyong pabahay, kausapin ang iyong employer. Kung patuloy ang problema, tawagan ang kumpidensiyal na tip line ng Service Canada sa 1-866-602-9448 o gamitin ang outil de signalement en ligne.

Paano makakuha/humingi ng tulong

Pagrereport ng pang-aabuso

Kung nilalabag ng iyong employer ang mga patakaran ng Programa ng TET, o inaabuso ka o ang isang taong kilala mo, dapat mo itong ireport.

Tawagan ang tip line ng Service Canada sa 1-866-602-9448.

Kumpidensyal ang serbisyong ito. Hindi sasabihin ng Service Canada sa iyong employer na tumawag ka
Maaari kang makipag-usap sa isang ahente ng Service Canada mula Lunes hanggang Biyernes, 6:30 am hanggang 8:00 pm Eastern time, sa isa sa mahigit 200 wika
Maaari kang mag-iwan ng hindi natutukoy na mensahe para ireport ang iyong mga alalahanin 24 na oras sa isang araw, 7 araw sa isang linggo. Lahat ng tawag ay sineseryoso at maaaring humantong sa isang inspeksyon

Maaari mo ring ireport ang pang-aabuso sa Service Canada gamit ang online reporting tool. Para sa mga halimbawa ng sitwasyong dapat mong ireport, tingnan ang Kailan tatawag sa tip line.

Alamin kung paano ireport ang pang-aabuso sa mga pansamantalang dayuhang manggagawa.

Pagpapalit ng trabaho dahil sa pang-aabuso o dahil may panganib ng pang-aabuso

Kung ikaw ay inaabuso o nanganganib na maabuso, maaari kang maging kwalipikado na mag-apply para sa isang open work permit para sa mga vulnerable worker. Ang work permit na ito ay nagbibigay sa iyo ng pagkakataong makaalis sa sitwasyon ng pang-aabuso sa pamamagitan ng pagpapahintulot sa iyo na magtrabaho para sa halos sinumang employer sa Canada. Hindi kailangan ng iyong bagong employer ng EIMT sa tagal ng work permit na ito.

Paghingi ng tulong mula sa mga support organization ng mga migranteng manggagawa

British Columbia
- Sasalubungin ka ng Community Airport Newcomers Network sa Vancouver International Airport at aalukin ka nito ng isang orientation session: 604-270-0077
- Nag-aalok ang MOSAIC ng iba't-ibang serbisyo at maaari ka nilang ikonekta sa mga support organization na malapit sa iyo:
- Ang DIVERSEcity Community Resources Society ay hindi direktang nagbibigay ng mga serbisyo sa mga pansamantalang dayuhang manggagawa, sa halip ay kumikilos ito sa pamamagitan ng mga network at pakikipagtulungan: 604-547-1240
Alberta, Saskatchewan at Manitoba
- Ang Calgary Catholic Immigration Society (CCIS) ay nag-aalok ng iba't ibang serbisyo para sa mga pansamantalang dayuhang manggagawa sa Calgary International Airport (YYC) at maaari ka nilang ikonekta sa mga support organization na malapit sa iyo: 1-888-331-1110
Ontario
- Sasalubungin ka ng Polycultural Immigrant and Community Services sa Toronto Pearson International Airport (YYZ): 1-844-493-5839 ext. 2266
- Ang The Neighbourhood Organization (TNO) ay nag-aalok sa iyo ng iba't ibang serbisyo at maaari ka nitong ikonekta sa mga support organization na malapit sa iyo: 647-296-0161
- Sinusuportahan ka ng Workforce WindsorEssex sa pamamagitan ng isang coordinated na estratehiya ng komunidad: 226-774-5829
Quebec
- Ang Immigrant Québec ay para sa mga pansamantalang dayuhang manggagawa. May kasamang listahan ng mga support organization sa ilalim ng tab na "Sino ang makakatulong sa iyo?"
New Brunswick, Nova Scotia, at Prince Edward Island
- Maaari kang ikonekta ng Atlantic Region Association of Immigrant Serving Agencies (ARAISA) sa mga support organization na malapit sa iyo: 902-431-3203
Newfoundland at Labrador
- Ang Association for New Canadians (ANC) ay sumusuporta sa mga pansamantalang dayuhang manggagawa at maaaring magbigay ng suporta na malapit sa iyo: 1-833-316-5839 o 1-833-31NLTFW

Pagrereport ng problema sa kalusugan o kaligtasan sa lugar ng trabaho

Makipag-ugnayan sa tanggapan ng kalusugan at kaligtasan sa lugar ng trabaho ng iyong lalawigan o teritoryo kung:

hiniling sa iyo na magsagawa ng mapanganib na trabaho
delikado/hindi ligtas ang mga kondisyon sa trabaho
nasugatan o nagkasakit ka dahil sa iyong trabaho
buntis ka at ang katangian ng iyong trabaho ay maaaring maglagay sa iyong pagbubuntis sa panganib

Mga tanggapan ng kalusugan at kaligtasan sa lugar ng trabaho ng lalawigan at teritoryo:

Alberta: 1-866-415-8690
Colombie-Britannique: 1-888-621-7233
Manitoba: 1-855-957-7233
Nouveau-Brunswick: 1-800-999-9775
Terre-Neuve-et-Labrador: 1-800-563-5471
Territoires du Nord-Ouest: 1-800-661-0792
Nouvelle-Écosse: 1-800-952-2687
Nunavut: 1-877-404-4407
Ontario: 1-877-202-0008
Île-du-Prince-Édouard: 1-800-237-5049
Québec: 1-844-838-0808
Saskatchewan: 1-800-567-7233
Yukon: 1-800-661-0443

Pagreport ng ibang mga problema sa trabaho

Kung sa palagay mo'y hindi ka nababayaran nang tama, hindi makatarungan ang pagtrato sa iyo, o hindi nirerespeto ng iyong employer ang iyong kasunduan sa trabaho, makipag-ugnayan sa tanggapan ng mga pamantayan sa trabaho ng iyong lalawigan o teritoryo:

Alberta: 1-877-427-3731
Colombie-Britannique: 1-833-236-3700
Manitoba: 1-800-821-4307
Nouveau-Brunswick: 1-888-452-2687
Terre-Neuve-et-Labrador: 1-877-563-1063
Territoires du Nord-Ouest: 1-888-700-5707
Nouvelle-Écosse: 1-888-315-0110
Nunavut: 1-877-806-8402
Ontario: 1-800-531-5551
Île-du-Prince-Édouard: 1-800-333-4362
Québec: 1-844-838-0808
Saskatchewan: 1-800-667-1783
Yukon: 1-800-661-0408 ext. 5944

Mga empleyadong nagtatrabaho sa isang sektor na kinokontrol ng pederal

Ang karamihan sa mga industriya sa Canada ay kinokontrol ng mga pamahalaang panlalawigan o panteritoryo, pero may ilan na kinokontrol ng pederal na pamahalaan. Kung ang iyong lugar ng trabaho ay pederal na kinokontrol, maaari kang maghain ng reklamo online o tumawag sa 1-800-641-4049. Maaari mong tingnan ang listahan ng mga industriya at lugar ng trabahong pederal na kinokontrol.

Pagrereport ng problema sa isang consultant sa imigrasyon

Hindi mo kailangang mag-hire ng immigration consultant sa Canada. Nasa iyo ang pagpapasyang ito. Lahat ng form at tagubilin na kailangan mo upang mag-apply para sa visa, permit, o pagkamamamayan ay available online nang libre.

Gayunpaman, kung pipiliin mong magbayad sa isang immigration consultant, tiyakin muna kung awtorisado sila. Ilegal para sa sinuman na pagbayarin ka o humingi sa iyo ng anumang kapalit para sa payo tungkol sa imigrasyon sa Canada kung wala silang lisensya mula sa Collège des consultants en immigration et en citoyenneté (CCIC), isang Canadian law society, o sa Chambre des notaires du Québec.

Kung mayroon kang mga alalahanin tungkol sa iyong immigration consultant, maaari kang maghain ng reklamo.

Proteksyon at tulong para sa mga biktima ng human trafficking at labour trafficking

Kabilang sa human trafficking ang pagre-recruit, pag-transport, pagtatago ng isang tao, at/o pagkontrol, pamamahala, o pag-impluwensya sa mga paggalaw ng isang tao upang siya ay pagsamantalahan, karaniwan sa pamamagitan ng sekswal na pananamantala o sapilitang pagtatrabaho.

Kung isa kang biktima ng human trafficking, kabilang ang labour trafficking, o naghihinala ka o may nalalaman kang aktibidad ng human trafficking, tumawag sa:

Canadian Human Trafficking Hotline sa 1-833-900-1010 upang maikonekta ka sa mga support service o sa mga tagapagpatupad ng batas sa iyong komunidad, o
kumpidensiyal na tip line ng Service Canada sa 1-866-602-9448 o gamitin ang outil de signalement en ligne.

Détails de la page

2026-09-23