About the Canadian Rangers | Ojicree
ᐁᑲᐧ ᐅᑫᐧᓂᐊᐧᐠ ᑲᓀᐣᑎᔭᐣ ᕑᐁᐣᒉᕑᐢ
ᑲᓀᐣᑎᔭᐣ ᕑᐁᐣᒉᕑᐢ
ᐁᑲᐧ ᐅᑫᐧᓂᐊᐧᐠ ᑲᓀᐣᑎᔭᐣ ᕑᐁᐣᒉᕑᐢ ᐊᒥᐁᐧ ᐱᑯ ᑫᐃᐧᓇᐊᐧ ᑲᓀᐣᑎᔭᐣ ᑭᐦᒋᐅᓄᑎᓂᑫᐠ ᐁᐃᓇᑭᓯᐊᐧᐨ ᐁᑲᐧ ᐊᐦᐃᐠ ᐃᔑᑲᐯᔑᐊᐧᐠ ᑲᐃᔑᐱᑲᐧᑌᐣᑕᑲᐧᓂᓂᐠ ᓄᐱᒥᐠ ᐊᐦᑭᑲᐠ, ᐁᑲᐧ ᒥᓇ ᓇᓂᑭᒋᑲᒥᐠ ᐅᒪ ᒥᓯᐁᐧ ᑲᓇᑕ. ᐁᑲᐧ ᑫᐃᐧᓇᐊᐧ ᓇᓇᑲ ᐃᔑᐃᐧᒋᐦᐃᐁᐧᐊᐧᐠ, ᐊᐦᐃᐠ ᑲᔦ ᓄᑎᓂᑫᐃᐧ ᑐᒋᑫᐃᐧᓂᐠ ᑐᑲᐣ ᐁᐃᐧᒋᐦᐃᔭᐊᐧᐨ ᐅᑫᐧᓂᐊᐧᐣ ᑲᓀᐣᑎᔭᐣ ᑭᐦᒋᐅᓄᑎᓂᑫᐣ ᒥᓯᐁᐧ ᑲᑲᓇᐁᐧᐣᐧᒋᑲᓂᐨ ᐅᒪ ᐊᐦᑭᐠ ᒥᓇ ᐊᔭᑲᐧᒥᓯᐃᐧ ᐃᐧᒋᐦᐃᐁᐧᐃᐧᓇᐣ ᐅᑕᓄᑲᑕᓇᐊᐧ ᐅᒪ ᒥᓯᐁᐧ ᑲᓇᑕ. ᐁᑲᐧ ᐅᑫᐧᓂᐊᐧᐠ ᑲᓀᐣᑎᔭᐣ ᕑᐁᐣᒉᕑᐢ ᒪᒪᐤ ᓂᔓᔕᐳᑭᔑᑲ (12) ᐊᓄᑭᐦᐊᑲᓄᐊᐧᐠ ᐁᑲᐧ ᑎᐸᐦᐊᒪᐊᐧᑲᓄᐊᐧᐠ ᓇᓇᑲ ᑲᐃᔑᐃᐧᒋᐦᐃᐁᐧᐊᐧᐨ ᐅᒪ ᓄᑎᓂᑫᐃᐧ ᐱᒧᒋᑫᐃᐧᓂᐠ (CAF).
ᐊᐊᐧᓀᓇᐠ ᐅᑫᐧᓂᐊᐧᐠ ᑲᓀᐣᑎᔭᐣ ᕑᐁᐣᒉᕑᐢ ᑲᐃᓇᑲᓄᐊᐧᐨ?
ᑲᓀᐣᑎᔭᐣ ᕑᐁᐣᒉᕑᐢ ᐊᐦᐃᐠ ᐅᒋᑎᐯᐣᑕᑯᓯᐊᐧᐠ ᑲᓀᐣᑎᔭᐣ ᑭᐦᒋᐅᓄᑎᓂᑫᐃᐧ ᐱᒧᒋᑫᐃᐧᓂᐠ ᐁᑲᐧ ᑫᐃᐧᓇᐊᐧ ᑕᔑᓀ ᑲᐧᔭᑕᐱᐊᐧᐠ ᓇᓇᑲ ᒋᐃᔑᐃᐧᒋᐦᐃᐁᐧᐊᐧᐨ. ᐁᑲᐧ ᐊᒥᐁᐧ ᐱᑯ ᐁᐃᔑᐱᒥᐊᓄᑭᐊᐧᐨ ᒣᑲᐧᐨ ᑲᐦᑲᑫᐧᒋᐦᐃᔭᑲᓄᐊᐧᐨ ᓇᐣᑕ ᑲᔦ ᑲᑲᓄᓇᑲᓄᐊᐧᐨ ᒋᐃᐧᒋᐦᐃᐁᐧᐊᐧᐨ ᒣᑲᐧᐨ ᑲᑭᒋᔑᓭᓂᐠ ᓇᐣᑕ ᑲᑭᒋᒪᒋᓭᓂᐠ ᑫᑯᓇᐣ. ᐁᑲᐧ ᐊᓂᔑᓇᐯᐃᐧ ᑫᑯᓇᐣ ᓄᑎᓂᑫᐃᐧ ᐱᒧᒋᑫᐃᐧᓂᐠ (CAF) ᐅᑕᐸᒋᑐᓇᐊᐧ, ᐁᑲᐧ ᑲᓀᐣᑎᔭᐣ ᕑᐁᐣᒉᕑᐢ ᐃᐧᓇᐊᐧ ᐅᑐᓂᓇᐊᐧᐣ ᑫᓂᑲᓂᑕᒪᑫᓂᐨ, ᑲᓀᐣᑎᔭᐣ ᕑᐁᐣᒉᕑᐢ ᓴᕑᒋᐣᐟᐢ. ᐁᑲᐧ ᐅᐁᐧ ᒣᑲᐧᐨ ᑫᑲᐠ ᒪᒪᐤ 5,000 ᑲᓀᐣᑎᔭᐣ ᕑᐁᐣᒉᕑᐢ ᐃᓇᑭᓯᐊᐧᐨ ᐅᒪ ᒪᒪᐤ 200 ᑕᔑᑫᐃᐧᓇᐣ ᑲᑕᑲᐧᓂᓂᑭᐣ ᐁᑲᐧ 26 ᓇᓇᑲ ᐃᔑᑭᐁᐧᐃᐧᓇᐣ ᐅᑕᔭᓇᐊᐧ.
Note on Alternate Languages
In a concerted effort by the Ombudsman’s office to better reach out to the needs of our constituents, the information can be found in the following languages:
ᐁᑲᐧ ᐊᐣᑎ ᐁᐊᔭᐊᐧᐨ ᐅᑫᐧᓂᐊᐧᐠ ᑲᓀᐣᑎᔭᐣ ᕑᐁᐣᒉᕑᐢ?
ᐁᑲᐧ ᑲᓀᐣᑎᔭᐣ ᕑᐁᐣᒉᕑᐢ ᐱᒧᒋᑫᐃᐧᐣᒪᒪᐤ ᓂᔭᓇᐣ ᑲᓀᐣᑎᔭᐣ ᕑᐁᐣᒉᕑᐢ ᐱᑭᓯᓇᑲᓄᐊᐧᐠ (CRPG) ᐅᒪ ᒥᓯᐁᐧ ᑲᓇᑕ. ᐁᑲᐧ ᐅᑫᐧᓂᐊᐧᐠ ᑲᓀᐣᑎᔭᐣ ᕑᐁᐣᒉᕑᐢ ᑲᑕᑎᐸᓇᓴᑲᓄᐊᐧᐨ ᐅᑕᔭᓇᐊᐧ ᐊᓄᑭᐃᐧᑲᒥᑯᐣ ᐁᑲᐧ ᐊᓄᑭᓇᑲᓇᐠ ᐸᐸᒥᓯᐊᐧᐠ ᒥᓇ ᒋᑭᐦᑭᓄᐦᐊᒪᐧᐊᐧᐊᐧᐨ ᕑᐁᐣᒉᕑᐢ ᐁᑲᐧ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ ᐊᐦᐃᐠ ᐃᔑᑲᐯᔑᐊᐧᐠ ᑭᐦᒋᓄᐱᒥᐠ ᒥᓇ ᓇᓂᑭᒋᑲᒥᐠ ᑕᔑᑫᐃᐧᓇᐣ ᑲᑕᑲᐧᓂᓂᑭᐣ ᐅᒪ ᒥᓯᐁᐧ ᑲᓇᑕ, ᐊᐦᐃᐠ ᐁᑕ ᑲᐃᐧᐣ ᓄᐸ ᐃᐡᑯᔕ, ᐱᕑᐃᐣᐢ ᐁᑎᐁᐧᕑᐟ ᓴᑲᐦᐃᑲᓂᐠ ᐁᑲᐧ ᓂᐤ ᐱᕑᐊᐣᐢᓯᐃᐧᐠ. ᐁᑲᐧ ᐊᐊᐧᔑᒣ ᐃᐧᑭᑫᐣᑕᒪᐣ ᐅᐁᐧ ᑲᓀᐣᑎᔭᐣ ᕑᐁᐣᒉᕑᐢ ᓄᑎᓂᑫᐃᐧ ᐊᓄᑭᑕᒪᑫᐃᐧᓇᐣ ᒥᓇ ᑲᓀᐣᑎᔭᐢ ᕑᐁᐣᒉᕑᐢ ᑲᑲᓇᐁᐧᐣᑕᒧᐊᐧᐨ ᐅᐁᐧ ᑲᓇᑕ ᐊᐦᐃᐠ ᐃᓇᐱᐣ ᐃᒪ ᑲᓀᐣᑎᔭᐣ ᕑᐁᐣᒉᕑᐢ ᐱᐊᐧᐱᑯᐠ ᐸᑭᑭᓂᑲᓂᐠ.
- 1stᑲᓀᐣᑎᔭᐣ ᕑᐁᐣᒉᕑᐢ ᑲᑕᓇᓄᑭᐊᐧᐨ ᐃᒪ ᐊᐦᐃᐠ ᓄᓇᐳᐟ ᑌᕑᐃᑕᐧᕑᐃ, ᔪᑲᐧᐣ ᑌᕑᐃᑕᐧᕑᐃ, ᑭᐁᐧᑎᓄᐠᓀᑲᐱᐦᐊᓄᐠ ᑌᕑᐃᑕᐧᕑᐃᐢ, ᐁᑲᐧ ᐊᐟᓫᐃᐣ, ᐱᕑᐃᑎᐢ ᑲᐧᓫᐊᑦᐱᔭ. ᐁᑲᐧ ᒪᔭᑦ ᐱᒧᒋᑫᐃᐧᑲᒥᐠ ᐃᔑᑕᑲᐧᐣ ᔦᓫᐅᓇᔾᑊ, ᑭᐁᐧᑎᓄᐠᓀᑲᐱᐦᐊᓄᐠ ᑌᕑᐃᑕᐧᕑᐃᐢ.
- 2ndᑲᓀᐣᑎᔭᐣ ᕑᐁᐣᒉᕑᐢ ᑲᑕᓇᓄᑭᐊᐧᐨ ᐊᐦᐃᐠ ᐃᔑᐸᐸᒥᓯᐊᐧᐠ ᑭᐁᐧᑎᓄᐠ ᑭᐧᐯᐠ, ᒉᒥᐢ ᐯᔾ, ᐁᑲᐧ ᑲᐃᔑᑕᐸᓴᑲᒥᑲᐠ ᑭᐁᐧᓄᑎᐠ ᓇᓂᐤ. ᐁᑲᐧ ᐅᑎᐸᒋᒧᑕᐊᐧᐊᐧᐣ 2nd ᑲᓀᐣᑎᔭᐣ ᕑᐁᐣᒉᕑᐢ ᐁᑲᐧ ᒪᒪᐤ ᐅᓄᑎᓂᑫᐣ (ᐊᐧᐸᓄᐠ).
- 3rdᑲᓀᐣᑎᔭᐣ ᕑᐁᐣᒉᕑᐢ ᑲᑕᓇᓄᑭᐊᐧᐨ ᐊᐦᐃᐣ ᐅᑲᓇᐁᐧᐣᑕᓇᐊᐧ ᓂᓇᐤ ᑭᐦᒋᑲᒥᐠ ᒥᓇ ᒥᓯᐁᐧᑲᒥᐠ ᐃᒪ ᑭᐁᐧᑎᓄᐠ ᐅᐣᑌᕑᐃᔪ. ᐁᑲᐧ ᐅᑎᐸᒋᒧᑕᐊᐧᐊᐧᐣ 4th ᑲᓀᐣᑎᔭᐣ ᕑᐁᐣᒉᕑᐢ ᐅᐱᒧᒋᑫᐣ.
- 4thᑲᓀᐣᑎᔭᐣ ᕑᐁᐣᒉᕑᐢ ᑲᑕᓇᓄᑭᐊᐧᐨ ᐊᐦᐃᐠ ᐱᕑᐃᑎᐢ ᑲᐧᓫᐊᑦᐱᔭ, ᐊᓫᐯᕑᑕ, ᓴᐢᑲᒋᐊᐧᐣ, ᐁᑲᐧ ᒪᓇᑐᐸ. ᐁᑲᐧ ᒪᔭᑦ ᐱᒧᒋᑫᐃᐧᑲᒥᐠ ᐃᔑᑕᑲᐧᐣ ᐱᐠᑕᐧᕑᐃᔭ, ᐱᕑᐃᑎᐢ ᑲᐧᓫᐊᑦᐱᔭ.
- 5thᑲᓀᐣᑎᔭᐣ ᕑᐁᐣᒉᕑᐢ ᑲᑕᓇᓄᑭᐊᐧᐨ ᐊᐦᐃᐠ ᐃᒪ ᐃᔑᑲᓇᐁᐧᐣᒋᑫᐊᐧᐠ ᓂᐤᐸᐤᐣᐟᓫᐊᐣᐟ ᐁᑲᐧ ᓫᐊᐸᐧᑕᐧᕑ. ᐁᑲᐧ ᒪᔭᑦ ᐱᒧᒋᑫᐃᐧᑲᒥᐠ ᐃᔑᑕᑲᐧᐣ ᑲᐣᑌᕑ, ᓂᐤᐸᐤᐣᐟᓫᐊᐣᐟ ᐁᑲᐧ ᓫᐊᐸᐧᑕᐧᕑ.
ᑲᓀᐣᑎᔭᐣ ᕑᐁᐣᒉᕑᐢ ᑲᑕᓇᓄᑭᐊᐧᐨ
ᐁᑲᐧ ᑲᐃᐧᒋᑲᑌᐠ ᒪᓯᓇᐦᐃᑲᓂᐠ
1 ᑲᓀᐣᑎᔭᐣ ᕑᐁᐣᒉᔭᐢ (CRPG): 61 ᐊᓄᑭᑕᒪᑫᐃᐧᓇᐣ, 1483 ᕑᐁᐣᒉᕑᐢ
2 ᑲᓀᐣᑎᔭᐣ ᕑᐁᐣᒉᔭᐢ (CRPG): 31 ᐊᓄᑭᑕᒪᑫᐃᐧᓇᐣ, 697 ᕑᐁᐣᒉᕑᐢ
3 ᑲᓀᐣᑎᔭᐣ ᕑᐁᐣᒉᔭᐢ (CRPG): 26 ᐊᓄᑭᑕᒪᑫᐃᐧᓇᐣ, 644 ᕑᐁᐣᒉᕑᐢ
4 ᑲᓀᐣᑎᔭᐣ ᕑᐁᐣᒉᔭᐢ (CRPG): 49 ᐊᓄᑭᑕᒪᑫᐃᐧᓇᐣ, 913 ᕑᐁᐣᒉᕑᐢ
5 ᑲᓀᐣᑎᔭᐣ ᕑᐁᐣᒉᔭᐢ (CRPG): 34 ᐊᓄᑭᑕᒪᑫᐃᐧᓇᐣ, 1104 ᕑᐁᐣᒉᕑᐢ
ᒋᑭᑫᐣᑕᒪᐣ: ᐁᑲᐧ ᑲᐃᔑᓇᑲᐧᐠ ᐃᐧᑕᒪᑫᐃᐧᐣ ᐊᐃᐧᔭᐠ ᑲᑲᐯᔑᐊᐧᐨ ᑲᑭᑲᓇᐊᐧᐸᒋᑲᑌᐠ ᑲᑭᑕᑲᐧᑭᐠ 2024.
| ᐃᑫᐧᐊᐧᐠ | ᓇᐯᐊᐧᐠ | |
|---|---|---|
| Gender | 1,127 | 3,714 |
ᐁᑲᐧ ᑫᑯᓀᓇᐣ ᑲᑐᑕᒧᐊᐧᐨ ᒥᓇ ᑲᐱᒧᑐᐊᐧᐨ ᑲᓀᐣᑎᔭᐣ ᕑᐁᐣᒉᕑᐢ ᑲᐃᐧᒋᐦᐃᐁᐧᐊᐧᐨ?
ᐁᑲᐧ ᐊᑎᐟ ᐅᑫᐧᓂᐊᐧᐣ ᑫᑯᓇᐣ ᑲᐃᔑᐅᓇᓴᑲᓄᐊᐧᐨ ᐅᑫᐧᓂᐊᐧᐠ ᑲᓀᐣᑎᔭᐢ ᕑᐁᐣᒉᕑᐢ ᑫᒋᓇᐨ ᑲᐃᔑᐸᑯᓭᐣᑕᑯᓯᐊᐧᐨ ᒋᑐᑕᒧᐊᐧᐨ:
- ᐁᑲᐧ ᑲᓀᐣᑎᔭᐣ ᕑᐁᐣᒉᕑᐢ ᐊᐦᐃ ᐅᑐᑕᓇᐊᐧ ᑫᒋᓇᐨ ᑲᐧᔭᐠ ᐊᐦᑭᐃᐧ ᐸᑯᓭᐣᒋᑫᐃᐧᓇᐣ ᒋᑲᓇᐁᐧᐣᑕᒧᐊᐧᐨ ᒥᓇ ᒋᐃᐧᑕᒧᐊᐧᐨ ᑭᐡᐱᐣ ᑫᑯᓇᐣ ᑲᒪᔭᑫᐣᑕᒧᐊᐧᐨ ᒥᓇ ᑲᑐᒋᑲᑌᓂᑭᐣ ᐁᑲᐧ ᑲᔦ ᒋᒪᐊᐧᑐᓇᒧᐊᐧᐨ ᐃᐧᑕᒪᑫᐃᐧᓇᐣ ᐅᒪ ᓄᑎᓂᑫᐃᐧ ᐸᑯᓭᒋᑫᐃᐧᓂᐠ ᐅᒋ.
- ᐁᑲᐧ ᑲᓀᐣᑎᔭᐣ ᕑᐁᐣᒉᕑᐢ ᐊᐦᐃ ᑲᔦ ᐅᐃᐧᒋᑐᓇᐊᐧ ᓄᑎᓂᑫᐃᐧ (CAF) ᐱᒧᒋᑫᐃᐧᓇᐣ ᑐᑲᐣ ᐁᐸᑭᑎᓇᒧᐊᐧᐨ ᑲᐃᔑᓇᑲᒋ ᑭᑫᐣᑕᒧᐊᐧᐨ ᑫᑯᓇᐣ ᐃᒪ ᐅᑕᐦᑭᒧᐊᐧᐠ (ᑐᑲᐣ, ᐁᐃᐧᑕᒪᑫᐊᐧᐨ ᒥᓇ ᐁᑭᐦᑭᓄᐡᑭᑫᐊᐧᐨ) ᒥᓇ ᐁᐃᐧᒋᐦᐃᐁᐧᐊᐧᐨ ᑲᓇᓇᑐᓂᑲᓂᐊᐧᐠ ᐊᐦᑭᑲᐠ.
- ᐁᑲᐧ ᑲᓀᐣᑎᔭᐣ ᕑᐁᐣᒉᕑᐢ ᑲᐧᔭᐠ ᐅᐱᒧᑐᓇᐊᐧ ᓄᑎᓂᑫᐃᐧ (CAF) ᐃᐧᒋᐦᐃᐁᐧᐃᐧᓇᐣ ᐃᒪ ᐅᑕᔑᑫᐃᐧᓂᐊᐧᐠ ᑐᑲᐣ ᑭᐦᑭᓄᐦᐊᒪᑫᐃᐧᐣ, ᑭᐦᑭᓄᐦᐃᑫᐃᐧᐣ, ᐁᑲᐧ ᑲᓇᓇᑲᒋᐦᐃᔭᐊᐧᐨ ᐅᐡᑲᑎᓴᐣ ᑲᐃᐧᒋᑐᓂᐨ ᒍᓂᔦᕑ ᑲᓀᐣᑎᔭᐣ ᕑᐁᐣᒉᕑᐢ ᐱᒧᒋᑫᐃᐧᐣ.
ᐁᑲᐧ ᐊᐊᐧᔑᒣ ᐃᐧᑭᑫᐣᑕᒪᐣ, ᐅᑫᐧᓂᐊᐧᐠ ᐊᔭᒥᐦᐃᑯᐠ ᑲᓀᐣᑎᔭᐣ ᕑᐁᐣᒉᕑᐢ ᑲᐊᓄᑭᑕᒪᑫᐊᐧᐨ ᒥᓇ ᑲᐱᒧᒋᑫᑕᒪᑫᐊᐧᐨ ᐸᑭᑭᓂᑲᐣ ᐁᑲᐧ ᓇᑕᒪᑫᐃᐧ ᐱᒧᒋᑫᐃᐧᐣ ᑐᒋᑫᐃᐧᓇᐣ 2020-22 – ᑲᓀᐣᑎᔭᐣ ᕑᐁᐣᒉᕑᐢ.
ᐁᑲᐧ ᐁᐃᐧ ᓇᓇᑕᐃᐧᑭᑫᐣᑕᒪᐣ ᐃᐧᑕᒪᑫᐃᐧᐣ ᑫᑭᐣ ᑲᓀᐣᑎᔭᐣ ᕑᐁᐣᒉᕑᐢ ᐁᐃᐧ ᐊᔭᔭᐣ?
ᐁᐦᐊᐠ ᑲᓄᓂᑯᐠ ᐃᒪ ᑲᓀᐣᑎᔭᐣ ᕑᐁᐣᒉᕑᐢ ᑲᐱᒧᒋᑫᐊᐧᐨ (CRP) ᐊᐊᐧᔑᒣ ᐁᐃᐧ ᑭᑫᐣᑕᒪᐣ ᐊᓂᐣ ᑫᑐᑕᒪᐣ ᑫᑭᐣ ᑲᓀᐣᑎᔭᐣ ᕑᐁᐣᒉᕑ ᒋᐃᓇᑭᓯᔭᐣ. ᑫᒋᓇᐨ ᑲᐊᔭᐊᐧᔦᑲᐧ ᑲᓀᐣᑎᔭᐣ ᕑᐁᐣᒉᕑᐢ (CRP) ᑲᓄᓂᑯᐠ ᑭᐡᐱᐣ ᑕᐊᐧᑫᐧᐣ ᒋᐱᑎᑭᓭᔭᐣ.
ᑭᐡᐱᐣ ᐁᑲ ᐁᑭᒥᑫᐧᐃᐧᒪᑕᐧ ᑲᐊᔭᐊᐧᔦᑲᐧ ᑲᓀᐣᑎᔭᐣ ᕑᐁᐣᒉᕑᐢ (CRP), ᑭᔭᑦ ᐃᔑᑭᑐᐣ ᑲᐃᔑᑕᑲᐧᐠ ᑲᓀᐣᑎᔭᐣ ᕑᐁᐣᒉᕑ ᐱᒧᒋᑫᐃᐧᐣ (CRPG) ᐊᓄᑭᑕᒪᑫᐃᐧᑲᒥᐠ. ᐅᒪ ᑫᐃᔑᑭᑐᔭᐣ ᐃᐧᑕᒪᑫᐃᐧᐣ ᑲᐃᔑᑕᑲᐧᑭᐣ ᓂᔭᓇᐣ ᑲᐱᑭᓴᑌᑭᐣ ᐊᓄᑭᑕᒪᑫᐃᐧᑲᒥᑯᐣ (CRPG) ᐊᐦᐃᐠ ᐅᒪ ᑲᐃᔑᐊᐧᐸᑕᓇᐊᐧ ᑲᒪᓯᓇᐦᐃᑲᑌᑭᐣ ᐊᑎᐣ ᒪᔭᑦ ᑲᐃᔑᑕᑲᐧᑭᐣ? ᐅᓇᒋᑫᐃᐧᓂᐠ. ᐃᐧᑭᑫᐣᑕᒪᐣ ᐅᐁᐧ ᐱᒧᒋᑫᐃᐧᐣ ᐃᓇᐱᐣ ᑲᓀᐣᑎᔭᐣ ᕑᐁᐣᒉᕑᐢ ᐱᐊᐧᐱᑯᐠ.
ᑭᔭᐱᐨ ᓇ ᑭᐃᐧᑭᑫᓂᒪᐠ ᐅᑫᐧᓂᐊᐧᐠ ᑲᓀᐣᑎᔭᐣ ᕑᐁᐣᒉᕑᐢ ᑲᐃᓇᑲᓄᐊᐧᐨ?
ᐁᑲᐧ ᐊᐊᐧᔑᒣ ᐃᐧᑭᑫᐣᑕᒪᐣ ᑲᒪᓯᓇᐦᐃᑲᑌᑭᐣ ᐅᒪ ᐱᐊᐧᐱᑯᐠ ᐃᓇᐱᐣ :
- ᐁᑲᐧ ᑲᓀᐣᑎᔭᐣ ᕑᐁᐣᒉᕑᐢ ᐱᐊᐧᐱᑯᐠ ᑲᐸᑭᑎᓂᑲᑌᐠ ᐅᐁᐧ ᒥᓯᐁᐧ ᐃᐧᑕᒪᑫᐃᐧᐣ.
- ᑲᓀᐣᑎᔭᐣ ᕑᐁᐣᒉᕑᐢ - ᑲᑫᐧᒋᐦᐃᐁᐧᐃᐧᐣ
- ᑲᓀᐣᑎᔭᐣ ᕑᐁᐣᒉᕑᐢ - ᒪᐊᐧᐨ ᓴᓴᑯᓇᐠ ᑲᑫᐧᑌᐃᐧᓇᐣ
- ᑭᐦᒋᓄᑎᓂᑫᐃᐧᐣ ᑲᐃᔑᑲᓇᐊᐧᐸᒋᑲᑌᐠ - ᐁᑲᐧ ᐃᐧᑕᒪᑫᐃᐧᐣ