ᒥᓯᓈᐱᔅᑭᐦᐄᑭᓐ ᐅᐦᒋ ᐋᐦ ᐐᐦᑖᑯᐦᒡ ᒑ ᐄᔑ ᒦᒋᓱᓈᓂᐎᒡ
ᒥᓯᓈᐱᔅᑭᐦᐄᑭᓐ ᐅᐦᒋ ᐋᐦ ᐐᐦᑖᑯᐦᒡ ᒑ ᐄᔑ ᒦᒋᓱᓈᓂᐎᒡ - ᐋᐦ ᐐᐦᑖᑯᐦᒡ ᐋᔑ ᒥᓯᓈᑖᒡ
ᓃᔓᔨᒡ ᐄᔑᓈᑯᓐᐦ ᒥᓯᓈᐱᔅᑭᐦᐄᑭᓐᐦ ᐋᐦ ᓅᑯᐦᒡ ᒑ ᐄᔑ ᒦᒋᓱᓈᓂᐎᑯᐱᓈ᙮ ᐊᓐ ᓃᔥᑎᒻ ᓅᑯᐦᒡ ᓂᐲ ᑭᔮᐦ ᐎᔮᑭᓂᐦᒡ ᐋᐦ ᐊᔥᑖᒡ ᒦᒋᒻ᙮ ᐄᔥᐱᒥᐦᒡ ᒥᓯᓈᑖᐤ ᐋᐦ ᐐᐦᑖᑯᐦᒡ:
ᓂᓈᐦᑭᐤ ᐋᐦ ᐄᔑᓈᑯᐦᒡ ᐋᐦ ᒥᔪᔥᑳᒑᒡ ᒦᒋᒻ ᒑ ᒦᒋᔨᓐ ᐋᔑᑯᒥᒌᔑᑳᐤᐦ᙮
ᓈᐅᔨᒡ ᐄᔑ ᐐᐦᑖᑯᓐ ᒑᒀᓐ ᐙᔅᑳ ᐎᔮᑭᓂᐦᒡ᙮ ᐋᐅᑯᓐᐦ ᐅᐦᐄ:
- ᒥᔥᑏᐦ ᒑ ᒦᒋᔨᓐ ᕓᒋᔥᑎᐱᓪᔅ ᑭᔮᐦ ᕕᕉᑦ
- ᐊᔅᒌᐦᒡ ᐋᐦ ᐅᐦᒋ ᓂᐦᑖᐅᒋᐦᒡ - ᒥᓯᐙ ᐋᔥᐱᔖᒡ ᐋᐦ ᐅᐦᒋᐱᔨᒡ ᒑ ᒦᒋᔨᓐ
- ᐋᐦ ᒦᒋᒥᔥᑳᒑᒡ ᐋᐅᒄ ᒑ ᒦᒋᔨᓐ
- ᓂᐲ ᐅᓵ ᒑ ᒥᓂᐦᒀᔨᓐ
ᐋᐱᐦᑎᐤ ᐎᔮᑭᓂᐦᒡ ᐋᑯᑎᐦ ᐋᔥᑖᒡᐦ ᕓᒋᔥᑎᐱᓪᔅ ᑭᔮᐦ ᕕᕉᑦ (ᐱᕎᑭᓖ, ᑫᕆᑦᔅ, ᐄᔨᒥᓐᐦ, ᐅᑖᐦᐄᒥᓂᐦᒡ, ᑳ ᐅᓵᐙᒡᐦ ᑭᔮᐦ ᑳ ᐅᔖᐙᔑᒡᐦ ᐯᓪ ᐯᐱᕐᔅ, ᐅᔅᑯᑎᒧᐃᐦ, ᑳ ᒥᐦᒀᒡ ᑳᐱᒡ, ᔅᐱᓂᒡ, ᑎᒫᑐᔅ, ᐱᑖᑎᔅᐦ, ᔅᑭᐙᔥ ᑭᔮᐦ ᑳ ᐅᓵᐙᒡᐦ ᐲᔅ)᙮ ᒀᔥᑖᐦ ᒦᓐ ᐋᐱᐦᑎᐤ ᐋᑯᑎᐦ ᑳ ᒦᒋᒥᔥᑳᒑᒡ ᐋᔥᑖᒡ (ᐋᑳ ᐐᔻᐅᑲᒡ ᐎᔮᔅ, ᐹᐦᑭᐦᐋᒀᓐ, ᓇᑦᔅ ᑭᔮᐦ ᓰᒥᓐᐦ, ᓓᓐᑎᓪᔅ, ᐙᐤᐦ, ᑐᕗ, ᔪᑭᕐᑦ, ᓂᒫᔅ, ᐲᓂᓯᒡ)᙮ ᒀᔥᑖᐦ ᒦᓐ ᐋᐱᐦᑎᐤ ᐋᑯᑎᐦ ᓅᑯᐦᒡᐦ ᒥᔑᒑ ᐋᔥᐱᔖᒡ ᐋᐦ ᓂᐦᑖᐅᒋᐦᒡ ᐋᐦ ᒦᒋᓈᓂᐎᒡ ᐋᐦ ᐋᔥᒌᐱᔨᒡᐦ (ᐲᔂᔮᐃᐦᑯᓈᐤ, ᐹᔅᑖ, ᐅᔥᒀᔑᔑᒡ, ᑳ ᒥᐦᐧᑳᒡ ᑭᓂᐋ, ᑳ ᐐᔅᑯᔥᑖᐙᓯᒡ ᐅᔥᒀᔑᔑᒡ)᙮
ᐊᓐ ᓃᔓ ᒥᓯᓈᐱᔅᑭᐦᐄᑭᓐ ᐋᑯᑎᐦ ᓃᔣᔥᒡ ᓂᓈᐦᑭᐤ ᒑᒀᓂᐦᐄ ᑎᐹᑎᑖᐤᐦ ᑭᔮᐦ ᓅᑯᓐᐦ᙮
ᐄᔥᐱᒥᐦᒡ ᒥᓯᓈᑖᐤ ᐋᐦ ᐐᐦᑖᑯᐦᒡ:
ᓂᒥᔮᐤ ᒥᒄ ᑯᐃᔅᒄ ᐋᐦ ᐄᔑ ᒦᒋᓱᔨᓐ ᒑ ᐐᒋᐦᐄᑯᔨᓐ᙮
ᐊᓂᑎᐦ ᓃᔥᑎᒻ ᒫᓯᓈᑖᒡ, ᒑ ᒫᒥᑐᓈᔨᐦᑎᒥᓐ ᑖᓐ ᐋᔑ ᒦᒋᓱᔨᓐ᙮
ᓃᔓ ᐊᐙᓂᒌ ᓅᑯᓱᐎᒡ ᐋᐦ ᒑᒋᔖᐹᓈᐦᒀᒡ᙮
ᒦᓐ ᐊᓐ ᑏᐙᐦᒡ ᒫᓯᓈᑖᒡ, ᐊᑎᑎᐤ ᒥᐦᒑᑣᐤ ᒑ ᐱᒥᓂᐙᔨᓐ᙮
ᐋᑯᑎᐦ ᓅᑯᓯᑦ ᐊᐙᓐ ᐊᐙᔑᔥᐦ ᐋᐦ ᐐᒋᐦᐄᑯᑦ ᐋᐦ ᐱᒥᓂᐙᑦ᙮
ᐊᓐ ᓂᔥᑐ ᒫᓯᓈᑖᒡ, ᒑ ᐐᐦ ᒥᒫᔪᒦᒋᓱᔨᓐ᙮
ᐊᓐ ᓅᑯᐦᒡ ᐎᔮᑭᓐ ᒦᒋᒻ ᐋᐦ ᐊᓲᐎᑖᒡ᙮
ᐊᓐ ᓈᐤ ᐋᐦ ᐃᐦᑎᑯᐦᒡ ᐋᑯᑎᐦ ᒫᓯᓈᑖᒡ, ᒑ ᐐᒋᒦᒋᓱᒥᑣᐤ ᑯᑎᑭᒡ ᐊᐙᓂᒌ᙮
ᐋᑯᑎᐦ ᓅᑯᓯᒡ ᐊᐙᓂᒌ ᐋᐦ ᒫᒨᒦᒋᓱᒡ᙮
ᐊᓐ ᓂᔮᔪ ᐋᐦ ᐃᐦᑎᑯᐦᒡ ᐋᑯᑎᐦ ᐧᐋᐦᑖᑯᐦᒡ, ᒑ ᐊᔨᒥᐦᑖᔨᓐ ᐋᐦ ᐐᐦᑖᑯᐦᒡ ᒑᒀᓐ ᐋᔥᒋᐱᔨᒡ ᐊᓂᑎᐦ ᒦᒋᒥᐦᒡ᙮
ᐋᑯᑎᐦ ᓅᑯᓯᑦ ᐊᐙᓐ ᓃᔓᐎᑦ ᐱᔻᐱᔅᑯᐎᑦᐦ ᐋᐦ ᑎᐦᑯᓂᐦᒃ᙮ ᐋᑯᑎᐦ ᒫᓯᓈᑖᒡ ᒑᒀᓐ ᐊᓐ ᐋᐦ ᐃᐦᑎᑯᐦᒡ ᐊᓂᑎᐦ ᒥᒋᒥᐦᒡ ᐅᑎᐦ ᐱᔻᐱᔅᑯᐎᑎᐦᒡ᙮
ᐊᓐ ᑯᑣᔥᒡ ᐋᐦ ᐃᐦᑎᑯᐦᒡ, ᓅᑯᓐ ᒦᒋᒻ ᐋᐦ ᐋᔥᒋᐱᔨᒡ ᓱᑎᔨᒻ, ᔔᑳᐤ ᑭᔮᐦ ᐱᒦ᙮
ᐋᑯᑎᐦ ᓅᑯᐦᒡ ᒦᒋᒻ ᒌᔖᒡ ᐋᐦ ᒌᐦ ᒫᒫᐦᒋᔨᐦᑐᑎᑭᓂᐎᒡ ᑭᔮᐦ ᓂᓈᐦᑭᐤ ᒑᒀᓐ ᐋᐦ ᐊᔥᒋᐱᔨᒡ ᐋᐅᒄ ᐲᔂᔮᐃᐦᑯᓈᐤ, ᐲᑦᓵ, ᑳ ᒥᓂᐦᒀᓂᐎᒡ, ᒞᑭᓕᑦ ᑭᔮᐦ ᐦᐅᑦ ᑣᒃ᙮
ᐊᓐ ᓃᔣᔥᒡ ᐋᐦ ᐃᐦᑎᑯᐦᒡ ᐊᒀᒋᔥᑖᒡ, ᐊᑳᐐ ᐅᑎᓐ ᒦᒋᒻ ᒥᒄ ᒨᔥ ᐋᐦ ᒌᐦ ᐙᐱᐦᑎᒥᓐ ᐋᐦ ᐋᔨᒧᑖᒡ᙮
ᐋᑯᑎᐦ ᓅᑯᓯᑦ ᐊᐙᓐ ᐋᐦ ᑭᓂᐙᐱᐦᑎᐦᒃ ᒦᒋᒥᔨᐤ ᐋᐦ ᓅᑯᐦᑖᑭᓂᐎᐎᔨᒡ ᐅᑎᔨᒧᐎᓂᐙᑭᓂᔑᐦᒡ ᑭᔮᐦ ᓂᑐᐙᐱᐦᒋᑭᓂᐦᒡ᙮
ᑯᐃᔅᒄ ᐄᔑ ᒦᒋᓱᐦ᙮ ᒑ ᒥᔪᐱᒫᑎᓯᔨᓐ᙮