ᐃᓄᐃᑦ ᐅᖃᐅᓯᖓᓄᑦ ᐃᑲᔫᑎᒃᓴᐅᑉ ᖃᓄᐃᓕᖓᓂᖓ – ᓄᓇᖃᖅᑳᖅᑐᑦ ᐅᖃᐅᓯᖏᓐᓄᑦ ᐃᓚᒋᔭᐅᔪᖅ
ᐅᕙᖔᖅᑐᖅ: ᑲᓇᑕᒥ ᐱᖅᑯᓯᓕᕆᔨᒃᑯᑦ
ᐃᓄᐃᑦ ᐅᖃᐅᓯᖓᓄᑦ ᐃᑲᔫᑎᒃᓴᐅᑉ ᖃᓄᐃᓕᖓᓂᖓ ᐅᕙᓂ ᓄᓇᖃᖅᑳᖅᑐᑦ ᐅᖃᐅᓯᖏᓐᓄᑦ ᐅᓚᒋᔭᐅᒧᖅ ᐃᑲᔪᖅᑐᐃᔾᔪᑎᐅᔪᖅ ᐊᕕᒃᑐᖅᓯᒪᓂᒃᑯᑦ ᑎᓴᒪᓄᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐃᓄᐃᑦ ᓄᓇᖓᓂ ᐱᕈᖅᑎᑦᑎᔾᔪᑎᐅᓇᓱᒃᖢᓂ ᐊᒻᒪ ᐊᑐᓕᖅᑎᑦᑎᔾᔪᑎᐅᓪᓗᓂ ᐱᓕᕆᐊᒃᓴᓂᒃ ᐊᒻᒪ ᐱᔨᑦᑎᕋᐅᑎᓂᒃ ᐃᓄᐃᑦ ᓯᕗᒧᑦ ᐱᕙᓪᓕᐊᔾᔪᑎᒋᔪᓐᓇᖅᑕᖏᓐᓂᒃ ᐊᕐᕌᒍᑦ ᑕᓪᓕᒪᑦ ᐊᑐᕐᓂᐊᖅᑐᓂᒃ.
ᑕᐃᒪᙵᓂ 2020-ᒥ, ᐃᓄᐃᑦ ᐱᓕᕆᓯᒪᖕᒪᑕ ᐅᕘᓇ ᑎᓴᒪᑎᒍᑦ ᓄᓇᑖᕋᓲᑎᑎᒍᑦ ᑲᑐᔾᔨᖃᑎᒌᑎᒍᑦ, ᐃᓄᕕᐊᓗᐃᑦ ᐊᕕᒃᑐᕐᓯᒪᓂᒃᑯᑦ ᑯᐊᐳᕇᓴᓐ, ᓄᓇᕗᑦ ᑐᙵᕕᒃ ᑎᒥᖓ, ᒪᑭᕝᕕᒃ ᐊᒻᒪ ᓄᓇᑦᓯᐊᕗᑦ ᒐᕙᒪᑯᓐᓄᑦ, ᐱᓕᕆᖃᑎᖃᖅᖢᑎᒃ ᓴᓂᑦᑎᐊᖓᒍᑦ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ, ᐱᓕᕆᐊᖃᖅᖢᑎᒃ ᐱᐅᓛᒃᑯᑦ ᐃᑲᔫᑎᖃᕈᓐᓇᕐᒪᖔᑕ ᐃᓄᒃᑐᑦ ᐅᖃᐅᓯᕐᒥ ᐋᖅᑭᒃᓯᒪᑎᑦᑎᓂᕐᒥᒃ, ᓴᖅᑭᑎᑦᑎᒃᑲᓐᓂᕐᓂᕐᒥᒃ ᐊᒻᒪᓗ ᐅᑎᖅᑎᑕᐅᒃᑲᓐᓂᕋᓱᖕᓂᖓᒍᑦ. ᑐᕌᒐᕆᔭᐅᔪᕐᓕ ᐆᒪ ᓄᑖᑉ ᐃᑲᔫᑎᒃᓴᓕᕆᓂᐅᑉ ᐃᑲᔪᖅᑐᐃᓇᓱᒃᖢᑎᒃ ᑖᒃᑯᓂᖓ ᑲᑐᔾᔨᖃᑎᒌᓂᒃ ᐱᓕᕆᐊᕆᓇᓱᒃᑕᖏᑦᑎᒍᑦ.
ᐅᓇ ᓄᑖᖅ ᐱᓕᕆᔾᔪᓯᖅ ᐊᕐᕌᒍᒐᓴᖕᓄᑦ ᐃᑲᔫᑎᑖᕈᑎᑦ ᐱᔭᐅᔪᓐᓇᖅᖢᓂ ᐃᓄᐃᑦ ᓄᓇᑖᕋᓱᖕᓂᕐᒧᑦ ᑲᑐᔾᔨᖃᑎᒌᓂᒃ ᒪᐅᓇ ᐊᕐᕌᒍᓄᑦ ᑕᓪᓕᒪᓄᑦ ᐱᓕᕆᐊᒃᓴᓂ ᐸᕐᓇᐅᑎᒃᑯᑦ. ᐅᓇ ᓇᓗᓇᙱᔾᔪᑎᐅᓂᕐᓴᐅᓂᐊᖅᑐᖅ ᖃᓄᐃᑉᐸᓪᓕᐊᓂᕐᒥ ᐊᒻᒪ ᐃᓄᐃᑦ ᓄᓇᓕᖏᓐᓂᒃ ᐱᓕᕆᐊᕆᔭᐅᔪᓐᓇᕐᓂᕐᓴᐅᓗᓂ ᑲᒪᒋᔭᖃᕐᓂᕐᒥᒃ, ᓴᖅᑭᑎᑦᑎᒃᑲᓐᓂᕐᓂᕐᒥᒃ ᐊᒻᒪ ᐅᑎᖅᑎᑕᐅᒃᑲᓐᓂᕋᓱᖕᓂᖓᓂᒃ ᐃᓄᒃᑐᑦ.
ᑭᓇ ᐃᖅᑲᓇᐃᔭᖅᑖᕋᓱᒍᓐᓇᖅᐸ
ᐅᑯᐊ ᐃᓄᐃᑦ ᐊᕕᒃᑐᖅᓯᒪᓂᒃᑯᑦ ᑲᑐᔾᔨᖃᑎᒌᖑᔪᑦ ᐋᖅᑭᒃᓯᓇᔭᖅᑐᑦ ᐱᓕᕆᖃᑎᒃᓴᖏᓐᓂ ᐊᒻᒪ ᖃᓄᐃᓕᐅᕈᑎᐅᓇᔭᖅᑐᓂᒃ ᐃᑲᔫᑎᑖᕈᑎᓄᑦ ᐃᓄᒃᑯᑦ ᑲᒪᒋᔭᐅᓂᖓᓄᑦ, ᓴᖅᑭᑎᑕᐅᒃᑲᓐᓂᕐᓂᖓᓄᑦ ᐊᒻᒪᓗ ᐅᑎᖅᑎᑕᐅᒃᑲᓐᓂᕋᓱᖕᓂᖓᒍᑦ. ᐃᓄᐃᑦ ᑲᑐᔾᔨᖃᑎᒌᓄᑦ ᐃᓚᒋᔭᐅᒍᕕᑦ ᐊᒻᒪᓗ ᐱᓕᕆᐊᖃᕈᒪᓗᑎᑦ ᐃᓄᒃᑐᑦ ᐅᖃᐅᓯᖅ ᑲᒪᒋᔭᐅᓂᖓᓂᒃ, ᓴᖅᑭᑎᑕᐅᒃᑲᓐᓂᕐᓂᖓᓂᒃ ᐊᒻᒪᓗ ᐅᑎᖅᑎᑕᐅᒃᑲᓐᓂᕋᓱᖕᓂᖓᓂ ᐊᑏᑦ ᐃᓄᐃᑦ ᑲᑐᔾᔨᖃᑎᒌᓄᑦ ᐅᖃᖃᑎᖃᕐᓗᑎᑦ ᐊᑖᓂ ᓇᓗᓇᐃᖅᑕᐅᓯᒪᔪᓄᑦᓗ.
ᐊᕐᕌᒍᓄᑦ 2023-ᒥ 2028-ᒧ ᐅᑯᐊ ᑲᑐᔾᔨᖃᑎᒌᖑᔪᑦ ᐃᑲᔫᑎᑖᕐᑎᑕᐅᔪᓐᓇᖅᑐᑦ:
- ᐃᓄᕕᐊᓗᐃᑦ ᐊᕕᒃᑐᖅᓯᒪᓂᒃᑯᑦ ᑯᐊᐳᕇᓴᓐ: ᑭᒡᒐᖅᑐᐃᔪᑦ ᐃᓄᕕᐊᓗᐃᑦ ᓄᓇᖏᓐᓂ ᓄᓇᑦᓯᐊᕐᒥ. ᖃᐅᔨᒋᐊᕐᕕᒋᓗᒍ: InuvialuktunILC@inuvialuit.com
- ᒪᑭᕝᕕᒃ: ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᐃᓄᖕᓂ ᓄᓇᕕᒃᒥ ᑯᐸᐃᒃᒥ. ᖃᐅᔨᒋᐊᕐᕕᒋᓗᒍ: ILC@makivvik.ca
- ᓄᓇᑦᓯᐊᕗᑦ ᒐᕙᒪᖓᑦ: ᐊᕕᒃᑐᖅᓯᒪᓂᒃᑯᑦ ᒐᕙᒪᒋᔭᐅᔪᑦ ᓄᓇᑦᓯᐊᕗᑦᒥ ᓂᐅᕙᐅᓐᓛᓐᒥ ᐊᒻᒪ ᓛᐸᑐᐊᒥ. ᐅᖃᕐᕕᒋᓗᒐ: nunatsiavut.com
- ᓄᓇᕗᑦ ᑐᙵᕕᒃ ᑎᒥᖓᑦ: ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᐃᓄᖕᓂ ᓄᓇᕗᒥᑦ. ᐅᖃᕐᕕᒋᓗᒍ: uqausirngaq@tunngavik.com
ᖃᐅᔨᒋᐊᕐᕕᐅᑕ
- ᑐᕋᕈᑎᖓ
- ᓄᓇᖃᖅᑳᖅᑐᑦ ᐅᖃᐅᓯᓕᕆᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒃᓴᑦ
ᑲᓇᑕᒥ ᐱᖅᑯᓯᓕᕆᔩᑦ
15 ᐃᐊᑎ ᐊᖅᑯᑎ
ᒑᑦᓅ QC J8X 4B3 - ᐃᕐᖐᓐᓈᖅᑕᐅᑎᒃᑯᑦ
- autochtone-indigenous@pch.gc.ca
- ᐅᖃᓘᑖ
- 819-934-1405
1-866-811-0055 (ᐊᑭᖃᙱᑦᑐᒧᑦ) - ᑐᓵᙱᑦᑐᓄᑦ
- 1-888-997-3123 (ᐊᑭᖃᙱᑦᑐᒧᑦ)
ᐃᖅᑲᓇᐃᔭᖅᑎᑦ ᐊᑐᐃᓐᓇᐅᔪᑦ ᐊᐱᖅᑯᑎᒃᓴᔅᓯᓐᓄᑦ, ᓇᒡᒐᔾᔭᐅᒥ ᐅᓪᓗᑐᐃᓐᓇᕐᒧᑦ, 8:30 ᐅᓪᓛᒃᑯᑦ 5:00 ᐅᓐᓄᓴᒧᑦ (ᑲᓇᖕᓇᐅᑉ ᖃᐅᔨᓴᐅᑎᖓᒍᑦ).